Kerala
കടവന്ത്രയില്‍ നിന്ന് കാണാതായ വയോധികയെ കൊന്ന് കുഴിച്ചിട്ടതായി സംശയം; ആലപ്പുഴ കലവൂരിലെ വീട്ടില്‍ പരിശോധന
കാട്ടൂര്‍ സ്വദേശികളായ മാത്യൂസ്, ശര്‍മിള ദമ്പതികള്‍ താമസിച്ചിരുന്ന വീട്ടിലെ ശുചിമുറിക്ക് സമീപത്തായാണ് മൃതദേഹം കുഴിച്ചിട്ടതെന്നാണ് സൂചന. ഇവര്‍ ഒളിവിലാണ്.
കൊച്ചി | കടവന്ത്രയില്‍ നിന്ന് കാണാതായ വയോധികയെ കൊന്ന് കുഴിച്ചിട്ടതായി സംശയം. മൃതദേഹം കുഴിച്ചിട്ടതായി സംശയിക്കുന്ന ആലപ്പുഴ കലവൂരിലെ വീടിനു സമീപത്ത് പോലീസ് പരിശോധന നടത്തുകയാണ്. കാട്ടൂര്‍ സ്വദേശികളായ മാത്യൂസ്, ശര്‍മിള ദമ്പതികള്‍ താമസിച്ചിരുന്ന വീട്ടിലെ ശുചിമുറിക്ക് സമീപത്തായാണ് മൃതദേഹം കുഴിച്ചിട്ടതെന്നാണ് സൂചന. മൃതദേഹം പുറത്തെടുക്കാനുള്ള നടപടികള്‍ നടന്നുവരികയാണ്.
മാത്യൂസും ശര്‍മിളയും ഒളിവിലാണ്. പോലീസ് വിവരം തേടി വിളിച്ചപ്പോള്‍ ഇരുവരും ഒഴിഞ്ഞുമാറി. സുഭദ്രയെ അറിയില്ലെന്ന് പറഞ്ഞ ഇവര്‍ പിന്നീട് ഹാജരാകാമെന്ന് പോലീസിനോട് പറഞ്ഞു. പോലീസ് നേരിട്ട് എത്തിയപ്പോഴേക്കും ഇരുവരും സ്ഥലംവിട്ടിരുന്നു.
കഴിഞ്ഞ മാസം നാലിനാണ് 73കാരിയായ സുഭദ്രയെ കാണാതായത്. ദമ്പതികള്‍ക്കൊപ്പം ഒരു സ്ത്രീ വീട്ടിലെത്തിയിരുന്നതായി നാട്ടുകാര്‍ പറഞ്ഞു. സ്ത്രീയെ കണ്ടതായി പോലീസിന് വിവരം നല്‍കിയിരുന്നു. സുഭദ്രക്ക് സാമ്പത്തിക ഇടപാടുകള്‍ ഉണ്ടായിരുന്നതായി കടവന്ത്രയിലെ അയല്‍വാസി പോലീസിനോട് പറഞ്ഞു.
അമ്മ അമ്പലങ്ങളില്‍ പോയതാകാം എന്നാണ് കരുതിയിരുന്നതെന്ന് സുഭദ്രയുടെ മകന്‍ രാധാകൃഷ്ണന്‍ സ്വകാര്യ ചാനലിനോട് പറഞ്ഞു. തിരിച്ചുവരാതായതോടെയാണ് ഇക്കഴിഞ്ഞ ഏഴാം തിയ്യതി പരാതി നല്‍കിയത്. അമ്മയുമായി പ്രശ്‌നങ്ങള്‍ ഉണ്ടായിരുന്നില്ല.
Latest
മലപ്പുറത്ത് തെരുവുനായ ചാടി ഓട്ടോ മറിഞ്ഞു; ഡ്രൈവര്‍ക്ക് ദാരുണാന്ത്യം
ചരക്ക് ട്രെയിനിന് തീപ്പിടിച്ച സംഭവത്തിൽ അട്ടിമറി സാധ്യത പരിശോധിക്കുന്നു; പാളത്തിൽ വിള്ളൽ കണ്ടെത്തി
ദുബൈയില്‍ കരാര്‍ മേഖലക്ക് പുതിയ നിയമം; നഗരവികസന, സാമ്പത്തിക വളര്‍ച്ചക്കായി വ്യക്തമായ ചട്ടക്കൂട് രൂപപ്പെടുത്തുക ലക്ഷ്യം
ഹൃദയാഘാതത്തെ തുടര്‍ന്ന് യുവാവ് റോഡില്‍ കുഴഞ്ഞുവീണു; യാദൃച്ഛികമായി എത്തിയ ഡോക്ടര്‍ രക്ഷകനായി
മണ്ണാര്‍ക്കാട് സി പി എം ഏരിയാ കമ്മിറ്റി ഓഫീസിനു നേരെ പടക്കമേറ്; സി പി എം പ്രവര്‍ത്തകന്‍ അറസ്റ്റില്‍
അല്‍ നഹ്ദയില്‍ മലയാളി യുവതിയും കുഞ്ഞും മരിച്ച സംഭവം: ഫോറന്‍സിക് റിപോര്‍ട്ട് പുറത്ത്
