Kottayam
പാലായിൽ വ്യാജ സ്വർണം പണയം വെച്ച് പണം തട്ടിയ ആൾ പിടിയിൽ
കോതമംഗലം രാമല്ലൂര്‍ സ്വദേശി ഞാലിപ്പറമ്പില്‍ പീറ്റര്‍ ദേവസി(43)യാണ് പോലീസ് പിടിയിലായത്.
കോട്ടയം | പാലാ കൊല്ലപ്പള്ളി ആനക്കല്ലുങ്കല്‍ ഫിനാന്‍സില്‍ വ്യാജ സ്വര്‍ണം പണയം വെച്ച് പണം തട്ടിയ ആള്‍ പിടിയില്‍. കോതമംഗലം രാമല്ലൂര്‍ സ്വദേശി ഞാലിപ്പറമ്പില്‍ പീറ്റര്‍ ദേവസി(43)യാണ് പോലീസ് പിടിയിലായത്. പാലാ എസ്എച്ച്ഒ. കെ പി തോംസണ്‍ ആണ് പ്രതിയെ അറസ്റ്റ് ചെയ്തത്. ഈ മാസം 13 ന് വ്യാജ ആധാര്‍ കാര്‍ഡ് ഉപയോഗിച്ച് രണ്ട് വ്യാജ വളകള്‍ പണയം വെക്കുകയായിരുന്നു.
പ്രതിക്കെതിരെ കോതമംഗലം, പെരുമ്പാവൂര്‍, ആലുവ പോലീസ് സ്റ്റേഷനുകളില്‍ സമാനമായ കേസുകളുണ്ട്. പ്രതിയെ ചോദ്യം ചെയ്തതില്‍ കോടനാട്, മേലുകാവ് സ്റ്റേഷന്‍ പരിധികളിലെ ധനകാര്യ സ്ഥാപനങ്ങളില്‍ സമാന രീതിയിലുള്ള തട്ടിപ്പ് നടത്തിയതായും ഇതുവരെയും ധനകാര്യ സ്ഥാപനങ്ങള്‍ തട്ടിപ്പ് തിരിച്ചറിഞ്ഞിട്ടില്ല എന്നും സമ്മതിച്ചു.
പ്രതി കേരളത്തിലെ വിവിധ ജില്ലകളില്‍ സമാന തട്ടിപ്പ് നടത്തിയതായി സംശയിക്കുന്നു. വ്യാജ ആധാര്‍ കാര്‍ഡും ഉരുപ്പടികളും നിര്‍മ്മിച്ചു നല്‍കിയ പ്രതികള്‍ക്കായി പോലീസ് അന്വേഷണം ആരംഭിച്ചു.
Latest
അന്താരാഷ്ട്ര ഫുട്‌ബോളില്‍ ഈ വര്‍ഷം കൂടി മാത്രം; വിരമിക്കലിനൊരുങ്ങി മാര്‍ത്ത
സല്‍മാന്‍ ഖാന്റെ വസതിക്കു നേരെ വെടിവെപ്പ്: പ്രതികളെ ചോദ്യം ചെയ്ത് എന്‍ ഐ എ
സംസ്ഥാനത്ത് മൂന്ന് ജില്ലകളില്‍ മൂന്ന് ദിവസം ഉഷ്ണതരംഗ മുന്നറിയിപ്പ്; 12 ജില്ലകളില്‍ മഞ്ഞ ജാഗ്രത
ഡ്രെഡ്ജര്‍ അഴിമതി കേസ്: മുന്‍ ഡി ജി പി. ജേക്കബ് തോമസിനെതിരായ അന്വേഷണത്തിന് സമയം നീട്ടി നല്‍കി സുപ്രീം കോടതി
വോട്ടെടുപ്പ്: സംസ്ഥാനത്ത് വിവിധ ഇടങ്ങളില്‍ അഞ്ചുപേര്‍ കുഴഞ്ഞുവീണ് മരിച്ചു
പത്തനംതിട്ടയില്‍ വോട്ട് ചെയ്തപ്പോള്‍ ചിഹ്നം മാറിയെന്ന് പരാതി
