International
ഇറാന്റെ എണ്ണപ്പാടവും പ്രതിരോധ മന്ത്രാലയ ആസ്ഥാനവും ആക്രമിച്ച് ഇസ്‌റാഈല്‍; 200ല്‍ അധികം മിസൈലുകള്‍ വര്‍ഷിച്ച് ഇറാന്റെ മറുപടി
ഇസ്‌റാഈല്‍-ഇറാന്‍ ഏറ്റുമുട്ടല്‍ ശക്തമായി തുടരുന്നു
ടെല്‍ അവീവ്| പശ്ചിമേഷ്യയെ ആശങ്കയിലാഴ്ത്തി ഇസ്‌റാഈല്‍-ഇറാന്‍ ഏറ്റുമുട്ടല്‍ ശക്തമായി തുടരുന്നു. ഇറാന്റെ ഊര്‍ജ്ജ വ്യവസായത്തെയും പ്രതിരോധ മന്ത്രാലയ ആസ്ഥാനത്തെയും ലക്ഷ്യമിട്ടും ഇസ്‌റാഈല്‍ ആക്രമണം നടത്തി. ഇതിന് മറുപടിയായി ഇറാന്‍ ഇസ്‌റാഈലില്‍ 200ലധികം മിസൈലുകള്‍ വര്‍ഷിച്ച് ആക്രമണം നടത്തി. ഇറാനിലെ ബുഷഹ്ര് പ്രവിശ്യയിലെ പാര്‍സ് റിഫൈനറി ഇസ്‌റാഈല്‍ ആക്രമിച്ചു. ലോകത്തെ ഏറ്റവും വലിയ എണ്ണപ്പാടങ്ങളില്‍ ഒന്നാണ് പാര്‍സ് റിഫൈനറി.
പുലര്‍ച്ചെ ഇസ്‌റാഈലിലെ ടെല്‍അവീവില്‍ ഡ്രോണുകളും മിസൈലുകളും ഉപയോഗിച്ച് ഇറാന്‍ വീണ്ടും ആക്രമണം നടത്തി. വിവിധ സ്ഥലങ്ങളില്‍ അപകട സൈറണുകള്‍ മുഴങ്ങി. ജനങ്ങള്‍ ജാഗ്രത പാലിക്കണമെന്നും മിസൈലുകളെ തടയാനുള്ള പ്രവര്‍ത്തനങ്ങള്‍ നടക്കുന്നതായും ഇസ്‌റാഈല്‍ സൈന്യം അറിയിച്ചു. ആക്രമണങ്ങളില്‍ ഇരു രാജ്യങ്ങളിലെയും നിരവധി പേര്‍ക്ക് പരുക്കേറ്റു.
ആക്രമണം തുടരുമെന്നാണ് ഇരു രാജ്യങ്ങളുടെയും നിലപാട്. ഇറാനെതിരായ ആക്രമണങ്ങള്‍ ശക്തമാക്കുമെന്നും വരും ദിവസങ്ങളില്‍ ഇതുവരെയുള്ളതിനേക്കാള്‍ ശക്തമായ ആക്രമണം അഴിച്ചുവിടുമെന്നും ഇസ്‌റാഈല്‍ പ്രധാനമന്ത്രി ബെഞ്ചമിന്‍ നെതന്യാഹു അറിയിച്ചു.
Latest
കനത്ത മഴ: തൃശൂര്‍, കാസര്‍ക്കോട്‌, വയനാട് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി
പൂനെയിൽ പഴയ പാലം തകർന്നു വീണു: അഞ്ച് മരണം; നിരവധി പേരെ കാണാതായി
ഇറാന്‍ അതിശക്തമായി തിരിച്ചടിക്കുന്നു; അമേരിക്കയും ഭീതിയില്‍
കെനിയയില്‍ വാഹനം അപകടത്തില്‍പ്പെട്ടു മരിച്ച അഞ്ചു മലയാളികളുടെ മൃതദേഹം നാട്ടിലെത്തിച്ചു
കാണാതായ വീട്ടമ്മയെ അടുത്ത വീട്ടിലെ കിടപ്പു മുറിയില്‍ കുഴിച്ചിട്ട നിലയില്‍ കണ്ടെത്തി
കൃഷിയിടങ്ങളെ സംരക്ഷിക്കാൻ പുതിയ നിയമം വരുന്നു
