First Gear
ഹാര്‍ലി ഡേവിഡ്സണ് എക്‌സ്440 ബൈക്കിന് വില വര്‍ധിപ്പിച്ചു
എല്ലാ വേരിയന്റുകള്‍ക്കും 10,500 രൂപയാണ് കമ്പനി വര്‍ധിപ്പിച്ചിരിക്കുന്നത്.
ന്യൂഡല്‍ഹി| പ്രീമിയം മോട്ടോര്‍സൈക്കിള്‍ നിര്‍മ്മാതാക്കളായ ഹാര്‍ലി ഡേവിഡ്സണ് ഹീറോ മോട്ടോകോര്‍പ്പുമായി സഹകരിച്ച് ഇന്ത്യന്‍ വിപണിയില്‍ അവതരിപ്പിച്ച മോഡലാണ് ഹാര്‍ലി ഡേവിഡ്സണ്. ഈ ബൈക്ക് 2,29,000 രൂപ വിലയുമായാണ് വിപണിയില്‍ ലോഞ്ച് ചെയ്തത്. ഇപ്പോള്‍ കമ്പനി ഈ മോട്ടോര്‍സൈക്കിളിന് വില വര്‍ധിപ്പിച്ചിരിക്കുകയാണ്. ഇനി മുതല്‍ ഈ ബൈക്കിന് 2,39,500 രൂപ മുതലായിരിക്കും എക്‌സ് ഷോറൂം വില. എല്ലാ വേരിയന്റുകള്‍ക്കും 10,500 രൂപയാണ് കമ്പനി വര്‍ധിപ്പിച്ചിരിക്കുന്നത്.
ഹാര്‍ലി ഡേവിഡ്സണ് എക്‌സ്440 മോട്ടോര്‍സൈക്കിളിന്റെ മൂന്ന് വേരിയന്റുകള്‍ക്കും കമ്പനി വില വര്‍ധിപ്പിച്ചിട്ടുണ്ട്. 27 ബിഎച്ച്പി പവറും 38 എന്‍എം ടോര്‍ക്കും ഉത്പാദിപ്പിക്കുന്ന എയര്‍-ഓയില്‍ കൂള്‍ഡ് സിംഗിള്‍-സിലിണ്ടര്‍ 440സിസി എഞ്ചിനാണ് ബൈക്കിന് കരുത്ത് നല്‍കുന്നത്. 6 സ്പീഡ് ഗിയര്‍ബോക്‌സും വാഹനത്തില്‍ കമ്പനി നല്‍കിയിട്ടുണ്ട്.
ഓഗസ്റ്റ് 3നാണ് ഈ വാഹനത്തിന്റെ ആദ്യഘട്ട ബുക്കിങ് അവസാനിപ്പിക്കുന്നത്. ഈ കാലയളവില്‍ ബുക്ക് ചെയ്യുന്ന ആളുകള്‍ക്ക് പഴയ വിലയില്‍ തന്നെ ബൈക്ക് ലഭ്യമാകും. ബുക്കിങ്ങിനായി 5000 രൂപയാണ് നല്‍കേണ്ടത്. ഹാര്‍ലി ഡേവിഡ്സണ് എക്‌സ്440 മോട്ടോര്‍സൈക്കിളിന്റെ ഡെലിവറി 2023 ഒക്ടോബര്‍ മുതല്‍ ആരംഭിക്കുമെന്നാണ് പ്രതീക്ഷിക്കുന്നത്. ബുക്ക് ചെയ്ത ക്രമത്തില്‍ ബൈക്ക് ലഭ്യമാകും.
Latest
പത്തനംതിട്ടയില്‍ രണ്ടു വയസുകാരന്‍ സ്വിമ്മിങ് പൂളില്‍ വീണു മരിച്ചു
ട്രെയിന്‍ യാത്രക്കിടെ കാണാതായ യുവാവിന്റെ മൃതദേഹം കണ്ടെത്തി
പാകിസ്താന്‍ വെടിനിര്‍ത്തല്‍ ലംഘിച്ചു; തിരിച്ചടിക്കാന്‍ സേനക്ക് നിര്‍ദ്ദേശം
കാട്ടനയെ ചരിഞ്ഞ നിലയില്‍ കണ്ടെത്തി
പൊതുസ്ഥലത്തെ മദ്യപാനം പോലീസില്‍ അറിയിച്ചു; സ്ത്രീകള്‍ ഉള്‍പ്പെടെയുള്ളവരെ വീട്ടില്‍ കയറി മര്‍ദ്ദിച്ച പ്രതികള്‍ പിടിയില്‍
അടിമാലിയില്‍ വീടിന് തീപ്പിടിച്ച് നാല് പേര്‍ വെന്ത്മരിച്ചു
