ആപ്പിൾ ഐപാഡ് എയർ M4 വിപണിയിൽ; 12 ജിബി റാം കരുത്ത്; വിലയും സവിശേഷതകളും അറിയാം

ഐപാഡ് ഒഎസ് 26 (iPadOS 26) പതിപ്പിലാണ് പുതിയ ഐപാഡ് എയർ പ്രവർത്തിക്കുന്നത്.

Published

Mar 03, 2026 6:12 pm |

Last Updated

Mar 03, 2026 6:13 pm

ബാഴ്സലോണ | ആപ്പിളിന്റെ ഏറ്റവും പുതിയ ഐപാഡ് എയർ M4 വിപണിയിൽ അവതരിപ്പിച്ചു. ഐഫോൺ 17e മോഡലിനൊപ്പമാണ് പുതിയ ഐപാഡും കമ്പനി ലോഞ്ച് ചെയ്തത്. കാഴ്ചയിൽ മുൻ മോഡലുകൾക്ക് സമാനമാണെങ്കിലും ആന്തരിക സവിശേഷതകളിൽ വൻ മാറ്റങ്ങളുമായാണ് ഐപാഡ് എയർ M4 എത്തിയിരിക്കുന്നത്. ആപ്പിളിന്റെ ഏറ്റവും പുതിയ M4 സിലിക്കൺ ചിപ്പിന്റെ കരുത്തിനൊപ്പം ആർട്ടിഫിഷ്യൽ ഇന്റലിജൻസ് (AI) ഫീച്ചറുകൾ സുഗമമായി പ്രവർത്തിപ്പിക്കാൻ സഹായിക്കുന്ന 12ജിബി റാം ബൂസ്റ്റും ഈ മോഡലിന്റെ പ്രത്യേകതയാണ്. വരും ദിവസങ്ങളിൽ കൂടുതൽ ആപ്പിൾ ഉൽപ്പന്നങ്ങൾ പുറത്തിറങ്ങുമെന്നാണ് റിപ്പോർട്ടുകൾ സൂചിപ്പിക്കുന്നത്.

ഐപാഡ് ഒഎസ് 26 (iPadOS 26) പതിപ്പിലാണ് പുതിയ ഐപാഡ് എയർ പ്രവർത്തിക്കുന്നത്. 11 ഇഞ്ച്, 13 ഇഞ്ച് എന്നിങ്ങനെ രണ്ട് ഡിസ്‌പ്ലേ വലിപ്പങ്ങളിൽ ഇത് ലഭ്യമാണ്. എൽ ഇ ഡി ഡിസ്‌പ്ലേ, ആന്റി റിഫ്‌ളക്റ്റീവ് കോട്ടിംഗ് എന്നിവയുണ്ടെങ്കിലും ഇത്തവണയും 120Hz പ്രൊമോഷൻ സപ്പോർട്ട് ആപ്പിൾ ഉൾപ്പെടുത്തിയിട്ടില്ല. 128ജിബി മുതൽ ഒരു ടിബി വരെയുള്ള സ്റ്റോറേജ് ഓപ്ഷനുകളിൽ ടാബ്‌ലെറ്റ് ലഭിക്കും. മെമ്മറി ആവശ്യകതയേറിയ എഐ ടൂളുകളെ പിന്തുണയ്ക്കുന്നതിനായി റാം 12 ജിബിയായി ഉയർത്തിയത് ഭാവിയിലെ സാങ്കേതിക വിദ്യകൾക്ക് ഐപാഡിനെ സജ്ജമാക്കുന്നു.

ക്യാമറയുടെ കാര്യമെടുത്താൽ പിന്നിൽ 12എംപി വൈഡ് ക്യാമറയും മുന്നിൽ സെന്റർ സ്റ്റേജ് ഫീച്ചറുള്ള 12എംപി ഷൂട്ടറുമാണുള്ളത്. പവർ ബട്ടണിൽ തന്നെ ടച്ച് ഐ ഡി നൽകിയിരിക്കുന്നു. സെല്ലുലാർ വേരിയന്റുകളിൽ ഇ സിം സൗകര്യവും ലഭ്യമാണ്.

ഐപാഡ് എയർ M4: ഇന്ത്യയിലെ വിലവിവരങ്ങൾ

ഇന്ത്യയിൽ 11 ഇഞ്ച് വൈഫൈ മോഡലിന് 64,900 രൂപ മുതലാണ് വില ആരംഭിക്കുന്നത്. മറ്റ് വേരിയന്റുകളുടെ വില താഴെ നൽകുന്നു:

ഐപാഡ് എയർ M4 11-ഇഞ്ച് സെല്ലുലാർ (128GB): 79,900 രൂപ
ഐപാഡ് എയർ M4 11-ഇഞ്ച് വൈഫൈ (256GB): 74,900 രൂപ
ഐപാഡ് എയർ M4 13-ഇഞ്ച് വൈഫൈ (128GB): 84,900 രൂപ
ഐപാഡ് എയർ M4 13-ഇഞ്ച് സെല്ലുലാർ (128GB): 99,900 രൂപ

Summary

Apple has officially launched the iPad Air M4 alongside the iPhone 17e, featuring a significant performance boost with the M4 silicon and 12GB of RAM to support advanced AI features. While maintaining a familiar design, the new iPad Air comes in 11-inch and 13-inch sizes with prices starting at Rs 64,900 in India. The device runs on iPadOS 26 and includes upgrades like enhanced memory and storage options up to 1TB.