OBITUARY
പത്തനംതിട്ട ചിറ്റാര് സ്വദേശിയായ യുവാവ് സഊദിയില് ലിഫ്റ്റ് അപകടത്തില് മരിച്ചു
ബുധനാഴ്ച വൈകിട്ട് ഭക്ഷണം കഴിക്കാനായി ഓഫീസില് നിന്ന് പുറത്തിറങ്ങിയപ്പോഴാണ് അപകടത്തില്പ്പെട്ടത്
കോന്നി | ചിറ്റാര് സ്വദേശിയായ യുവാവ് സഊദിയില് ലിഫ്റ്റ് അപകടത്തില് മരിച്ചു. ചിറ്റാര് കടലാടിമറ്റത്ത് സനൂപ് കെ സുരേന്ദ്രന് ആണ് മരിച്ചത്. ഇരുപത്ത് ഏഴ് വയസ്സായിരുന്നു. സഊദി ജിദ്ദ അല്ഫുര്സാന് ലോജിസ്റ്റിക്സ് കമ്പനി ജീവനക്കാരനായ സനുപ് ബുധനാഴ്ച വൈകിട്ട് ഭക്ഷണം കഴിക്കാനായി ഓഫീസില് നിന്ന് പുറത്തിറങ്ങിയപ്പോഴാണ് അപകടത്തില്പ്പെട്ടത്.
ലിഫ്റ്റിന്റെ വാതില് തുറന്ന് കയറിയപാടെ നേരെ താഴെക്ക് വീഴുകയായിരുന്നു. ലിഫ്റ്റില് അറ്റകുറ്റപ്പണി നടക്കുകയായിരുന്നു. ഉടന് ആശുപത്രിയിലെത്തിച്ച് അടിയന്തര ശസ്ത്രക്രിയക്ക് വിധേയനാക്കിയെങ്കിലും ജീവന് രക്ഷിക്കാനായില്ല. രണ്ടു വര്ഷമായി സഊദിയിലെത്തിയിട്ട്. അവിവാഹിതനാണ്. കിംഗ് ഫഹദ് ആശുപത്രി മോര്ച്ചറിയിലുള്ള മൃതദേഹം നാട്ടിലേക്ക് കൊണ്ടുവരുന്ന നടപടികള് പുരോഗമിക്കുന്നു. സംസ്കാരം പിന്നീട്.
പിതാവ്: കെ.സുരേന്ദ്രന്
അമ്മ: ഗീതാ സുരേന്ദ്രന് (സി പി ഐ എം പാമ്പിനി ബ്രാഞ്ച് സെക്രട്ടറി)
സഹോദരങ്ങള്: സംഗീത് (ദുബായ്), സൗഭാഗ്യ.