Kerala
ബലിപെരുന്നാള് പ്രതീക്ഷകളുടെ ആഘോഷം: കാന്തപുരം
ഏത് ദുര്ബല നിമിഷത്തിലും ഉന്മേഷം നേടാനും ധൈര്യം സംഭരിക്കാനും പ്രതിസന്ധികള് തരണം ചെയ്യാനും ഇബ്റാഹീം നബി (അ)യുടെയും കുടുംബത്തിന്റെയും ജീവിത പാഠങ്ങള് മനുഷ്യര് മാതൃകയാക്കണം.
കോഴിക്കോട് | എത്ര വലിയ പരീക്ഷണങ്ങള് നേരിട്ടാലും സ്രഷ്ടാവിന്റെ നിയമമനുസരിച്ച് ജീവിക്കുന്നവര്ക്ക് ആത്യന്തിക വിജയമുണ്ടെന്ന പ്രതീക്ഷയുടെ സന്ദേശമാണ് ബലിപെരുന്നാള് നല്കുന്നതെന്ന് ഇന്ത്യന് ഗ്രാന്ഡ് മുഫ്തി കാന്തപുരം എ പി അബൂബക്കര് മുസ്ലിയാര്. ഏത് ദുര്ബല നിമിഷത്തിലും ഉന്മേഷം നേടാനും ധൈര്യം സംഭരിക്കാനും പ്രതിസന്ധികള് തരണം ചെയ്യാനും ഇബ്റാഹീം നബി (അ)യുടെയും കുടുംബത്തിന്റെയും ജീവിത പാഠങ്ങള് മനുഷ്യര് മാതൃകയാക്കണം.
ഒരുമയും സാഹോദര്യവും ഉദാരതയും നിറഞ്ഞുനില്ക്കുന്ന ആരാധനകളാണ് പെരുന്നാളിന്റെ സവിശേഷത. ഹജ്ജും ബലികര്മവും പെരുന്നാള് നിസ്കാരവുമെല്ലാം ഈ മൂല്യങ്ങള് വിളംബരം ചെയ്യുന്നുണ്ട്. ഇതേ മനസ്സോടെ പെരുന്നാളിന്റെ പൊരുള് ഉള്ക്കൊണ്ട് രോഗികള്, ഭിന്നശേഷിക്കാര്, പ്രായമായവര്, കുട്ടികള്, തൊഴില് രഹിതര് ഉള്പ്പെടെ എല്ലാ വിഭാഗം ജനങ്ങളിലേക്കും സ്നേഹവും സന്തോഷവുമെത്തിക്കാന് പെരുന്നാള് ദിവസം ഉത്സാഹിക്കണം.
ലഹരി ഉപയോഗം, അക്രമങ്ങള്, തിന്മകള് എന്നിവക്കെതിരെ മുന്നോട്ട് വരാനും സമൂഹത്തിന്റെയും രാജ്യത്തിന്റെയും നന്മക്ക് വേണ്ടി പ്രവര്ത്തിക്കാനും ആഘോഷ വേളകള് ഉപയോഗപ്പെടുത്തണമെന്നും പെരുന്നാള് സന്ദേശത്തില് കാന്തപുരം പറഞ്ഞു.
Latest
ഒന്നാം വിവാഹ വാര്ഷികം ആഘോഷിക്കാന് നഗരത്തില് എത്തിയ യുവതി ബസ് കയറി മരിച്ചു
തെരഞ്ഞെടുപ്പ് ഡ്യൂട്ടിയിലായിരുന്ന പോലീസ് സംഘം അപകടത്തില്പെട്ടു; അഞ്ച് പേര്ക്ക് പരിക്ക്
ചോദ്യങ്ങള്ക്കൊന്നും മറുപടിയില്ലാതെ പ്രതിപക്ഷ നേതാവ് വസ്തുതാവിരുദ്ധമായ കാര്യങ്ങള് നിരത്തുന്നു: മുഖ്യമന്ത്രി
വോട്ട് കൊള്ള: സംവാദത്തിന് അമിഷ് ഷായെ വെല്ലുവിളിച്ച് രാഹുല് ഗാന്ധി
നടന് ദിലീപിനെ വെറുതെ വിട്ട കോടതി വിധിക്കെതിരെ തിരുവനന്തപുരത്തും കോഴിക്കോടും സാംസ്കാരിക പ്രവര്ത്തകരുടെ പ്രതിഷേധം
പെരിയാറില് കുളിക്കാനിറങ്ങിയ യുവ ഫെഡറല് ബാങ്ക് ഉദ്യോഗസ്ഥന് മുങ്ങി മരിച്ചു
