Kerala
അല്‍ഷിമേഴ്സ് രോഗബാധിതനായ 59കാരനെ ക്രൂരമായി മര്‍ദിച്ചു; ഹോം നഴ്‌സിനെതിരെ പരാതി
ബി എസ് എഫ് മുന്‍ ഉദ്യോഗസ്ഥന്‍ തട്ട സ്വദേശി വി ശശിധരന്‍ പിള്ളയ്ക്കാണ് മര്‍ദനമേറ്റത്. ഹോം നഴ്സ് വിഷ്ണുവിനെതിരെ ബന്ധുക്കള്‍ കൊടുമണ്‍ പോലീസില്‍ പരാതി നല്‍കി.
അടൂര്‍ | അല്‍ഷിമേഴ്സ് രോഗബാധിതനായ 59കാരനെ, വീട്ടില്‍ പരിചരിച്ചു വന്ന ഹോം നഴ്സ് ക്രൂരമായി മര്‍ദിച്ചു. ബി എസ് എഫ് മുന്‍ ഉദ്യോഗസ്ഥന്‍ തട്ട സ്വദേശി വി ശശിധരന്‍ പിള്ളയ്ക്കാണ് മര്‍ദനമേറ്റത്. അദ്ദേഹത്തെ പരുമലയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
ഹോം നഴ്സ് വിഷ്ണുവിനെതിരെ ബന്ധുക്കള്‍ കൊടുമണ്‍ പോലീസില്‍ പരാതി നല്‍കി. തറയില്‍ വീണ് പരുക്കേറ്റു എന്നാണ് ഹോം നഴ്സ് അറിയിച്ചത്. ഇതില്‍ സംശയം തോന്നിയ ബന്ധുക്കള്‍ സി സി ടി വി ദൃശ്യം പരിശോധിച്ചപ്പോഴാണ് ശശിധരന്‍ പിള്ളയെ നഗ്നനാക്കി തറയിലൂടെ വലിച്ചിഴയ്ക്കുന്നത് കണ്ടത്.
അഞ്ച് വര്‍ഷത്തോളമായി അല്‍ഷിമേഴ്സ് രോഗത്തിന് ചികിത്സയില്‍ കഴിയുന്ന ശശിധരന്‍ പിള്ളയെ പുതുതായി എത്തിയ ഹോം നഴ്സ് ക്രൂരമായി മര്‍ദിച്ച ശേഷം തറയിലൂടെ വലിച്ചിഴക്കുകയായിരുന്നു. അടൂരിലുള്ള ഏജന്‍സി വഴിയാണ് ഇയാള്‍ രോഗീപരിചരണത്തിന് എത്തിയത്. ശശിധരന്‍ പിള്ളയുടെ ബന്ധുക്കള്‍ പാറശാലയിലാണ് താമസിക്കുന്നത്.
Latest
മുണ്ടേരി പുഴയില്‍ തോണി മറിഞ്ഞ് കാണാതായ യുവാവിന്റെ മൃതദേഹം കണ്ടെത്തി
ഓട്ടോ ഡ്രൈവര്‍ വെടിയേറ്റ് മരിച്ച സംഭവം; ഭാര്യ മിനി നമ്പ്യാര്‍ അറസ്റ്റില്‍
ആന്ധ്രപ്രദേശില്‍ ക്ഷേത്രമതില്‍ തകര്‍ന്ന് ഏഴ് മരണം; നിരവധി പേര്‍ക്ക് ഗുരുതര പരുക്ക്
കൊല്‍ക്കത്തയില്‍ ഹോട്ടലില്‍ തീപ്പിടുത്തം; 14 മരണം
ശാരദാ മുരളീധരന്‍ ഇന്ന് ചീഫ് സെക്രട്ടറി സ്ഥാനത്തുനിന്നും പടിയിറങ്ങും
മംഗളുരുവില്‍ ആള്‍ക്കൂട്ട ആക്രമണത്തില്‍ മലയാളി കൊല്ലപ്പെട്ട സംഭവം; 20 പേര്‍ അറസ്റ്റില്‍
