Kerala
ആലപ്പുഴയില്‍ ആരോഗ്യപ്രവര്‍ത്തകരെ കൈയേറ്റം ചെയ്ത സംഭവം; സിപിഎം നേതാക്കള്‍ക്കെതിരെ കേസ്
ആലപ്പുഴ | കൈനകരിയില്‍ ആരോഗ്യപ്രവര്‍ത്തകരെ കൈയേറ്റം ചെയ്ത സംഭവത്തില്‍ സിപിഎം നേതാക്കള്‍ക്കെതിരെ പോലീസ് കേസെടുത്തു. കൈനകരി പഞ്ചായത്ത് പ്രസിഡന്റ് എം സി പ്രസാദ്, സിപിഎം ലോക്കല്‍ സെക്രട്ടറി രഘുവരന്‍, വിശാഖ് വിജയ് എന്നിവര്‍ക്കെതിരെയാണ് ഡോക്ടറുടെ പരാതിയില്‍ കേസെടുത്തത്.
വാക്‌സിന്‍ വിതരണത്തില്‍ ക്രമക്കേട് നടത്തിയെന്ന് ആരോപിച്ചാണ് ഇന്നലെ വൈകിട്ട് ആരോഗ്യപ്രവര്‍ത്തകര്‍ക്ക് നേരെ അതിക്രമം നടത്തിയത്. കുപ്പപ്പുറം പ്രാഥമികാരോഗ്യ കേന്ദ്രത്തില്‍ കൈനകരി പഞ്ചായത്ത് പ്രസിഡന്റിന്റെ നേതൃത്വത്തിലായിരുന്നു അതിക്രമം.
എന്നാല്‍ പാലിയേറ്റീവ് കെയര്‍ വിഭാഗത്തിലുള്ള വാക്‌സിന്‍, വിതരണം ചെയ്യണമെന്ന് സിപഎം നേതാവ് കൂടിയായ പഞ്ചായത്ത് പ്രസിഡന്റ് ആവശ്യപ്പെട്ടതാണ് തര്‍ക്കത്തിനും അക്രമത്തിനും ഇടയായത്. രണ്ട് മണിക്കൂറോളം ആരോഗ്യപ്രവര്‍ത്തകരെ തടഞ്ഞുവച്ചു. ഈ ദൃശ്യങ്ങള്‍ പകര്‍ത്തിയ ആരോഗ്യപ്രവര്‍ത്തകയുടെ ഭര്‍ത്താവിനെയും പഞ്ചായത്ത് പ്രസിഡന്റ് എം സി പ്രസാദിന്റെ നേതൃത്വത്തിലുള്ള സിപിഎം പ്രവര്‍ത്തകര്‍ മര്‍ദിച്ചു. നെടുമുടി പോലീസെത്തിയാണ് ആരോഗ്യ പ്രവര്‍ത്തകരെയും മര്‍ദനമേറ്റ നഴ്‌സിന്റെ ഭര്‍ത്താവിനെയും മോചിപ്പിച്ചത്.
Latest
ആലപ്പുഴയില്‍ വിദ്യാര്‍ത്ഥിയെക്കൊണ്ട് ബിജെപി നേതാവിന്റെ കാല്‍ കഴുകിച്ചു; മന്ത്രി ശിവന്‍കുട്ടി റിപ്പോര്‍ട്ട് തേടി
കമ്പ്യൂട്ടിംഗ് മേഖലയിലെ അടിസ്ഥാന സൗകര്യ അസമത്വം പരിഹരിക്കുന്നതിന് അന്താരാഷ്ട്ര സഹകരണം വേണം: സഊദി അറേബ്യ
ജനറൽ ആശുപത്രി മഞ്ചേരിയിൽ നിലനിർത്തണം: കേരള മുസ്ലിം ജമാഅത്ത്
ഇനി കേരളത്തില്‍ പരാജയപ്പെട്ടാല്‍ കോണ്‍ഗ്രസ്സിന്റെ മരണം: ദീപാ ദാസ് മുന്‍ഷി
ഡല്‍ഹിയില്‍ നാലുനില കെട്ടിടം തകര്‍ന്നുവീണു; നിരവധി ആളുകള്‍ കുടുങ്ങിക്കിടക്കുന്നതായി റിപ്പോര്‍ട്ട്
സിന്തറ്റിക് മയക്കുമരുന്ന് കേസ്: ഇന്ത്യക്കാരനെ യു എ ഇ നാടുകടത്തി
