മന്‍ കീ ബാത്ത് ഇന്ന്; കൊവിഡ്, കശ്മീര്‍ വിഷയങ്ങള്‍ വിശദീകരിക്കും

ന്യൂഡല്‍ഹി | പ്രധാന മന്ത്രിയുടെ പ്രതിമാസ റേഡിയോ പരിപാടിയായ മന്‍ കീ ബാത്ത് ഇന്ന്. രാവിലെ 11 നാണ് പ്രധാന മന്ത്രി രാജ്യത്തെ അഭിസംബോധന ചെയ്യുക. നിലവിലെ കൊവിഡ് സാഹചര്യം, വാക്സിനേഷന്‍ പുരോഗതി തുടങ്ങിയ വിഷയങ്ങളില്‍ പ്രധാന മന്ത്രി വിശദീകരണം നടത്തും.

ജമ്മു കശ്മീരിലെ രാഷ്ട്രീയ പാര്‍ട്ടികളുമായുള്ള സര്‍വകക്ഷിയോഗം ഈയടുത്താണ് കഴിഞ്ഞത്. അതുമായി ബന്ധപ്പെട്ട കാര്യങ്ങളും പ്രധാന മന്ത്രി പ്രതിപാദിച്ചേക്കും. മന്‍ കീ ബാത്തിന്റെ 78-ാം എപ്പിസോഡാണ് ഇന്ന് നടക്കുന്നത്.