യൂറോ കപ്പ്:സ്‌കോട്ട്‌ലന്‍ഡിനെ തകര്‍ത്ത് ചെക്ക്

ഗ്ലാസ്ഗൗ | യൂറോ കപ്പില്‍ സ്‌കോട്ട്‌ലന്‍ഡിനെ തകര്‍ത്ത് ചെക്ക് റിപ്പബ്ലിക്ക്.ഗ്രൂപ്പ് ഡിയിലെ മത്സരത്തില്‍ എതിരില്ലാത്ത രണ്ടു ഗോളിനാണ് ചെക്ക് ടീം സ്‌കോട്ട്‌ലന്‍ഡിനെ തകര്‍ത്തത്. ഇരട്ട ഗോളുമായി തിളങ്ങിയ പാട്രിക് ഷിക്കാണ് ചെക്ക് ടീമിന്റെ വിജയശില്‍പി. മത്സരത്തിന്റെ 52-ാം മിനിറ്റില്‍ ഷിക്ക് നേടിയ ഗോള്‍ യൂറോ കപ്പ് ചരിത്രത്തിലെ തന്നെ ഏറ്റവും മികച്ച ഗോളുകളിലൊന്നായി.

ഇരു ടീമുകളും മികച്ച കളി പുറത്തെടുത്ത മത്സരത്തില്‍ 42-ാം മിനിറ്റിലായിരുന്നു ഷിക്കിന്റെ ആദ്യ ഗോള്‍.
ആദ്യ പകുതിയിലുടനീളം മികച്ച അവസരങ്ങള്‍ സൃഷ്ടിച്ചത് സ്‌കോട്ട്‌ലന്‍ഡായിരുന്നുവെങ്കിലും പലപ്പോഴും അത് ലക്ഷ്യത്തിലെത്തിക്കാന്‍ അവര്‍ക്കായില്ല.
ആദ്യ പകുതി ചെക്ക് ടീമിന്റെ ലീഡില്‍ അവസാനിച്ച ശേഷം 52-ാം മിനിറ്റിലായിരുന്നു കാണികളെ അമ്പരപ്പിച്ച ഷിക്കിന്റെ മനോഹര ഗോള്‍ പിറന്നത്.