ഡിസംബറോടെ രാജ്യത്ത് എല്ലാവര്‍ക്കും വാക്‌സിന്‍; കേന്ദ്രമന്ത്രി

ന്യൂഡല്‍ഹി രാജ്യത്തെ മുഴുവന്‍ പൗരന്‍മാര്‍ക്കും ഡിസംബറോടെ കൊവിഡ് പ്രതിരോധ വാക്‌സിന്‍ നല്ഡകുമെന്ന് കേന്ദ്ര മന്ത്രി ഗജേന്ദ്ര സിംഗ് ശെഖാവത്ത്. വാക്സിന്‍ ഉത്പാദനം വര്‍ധിപ്പിക്കാനുള്ള തീവ്രശ്രമത്തിലാണ്. എന്നാല്‍ വാക്സിനേഷനുമായി ബന്ധപ്പെട്ട കാര്യങ്ങളെ പ്രതിപക്ഷം രാഷ്ട്രീയവത്കരിക്കാന്‍ ശ്രമിക്കുകയാണെന്നും ഗജേന്ദ്ര സിംഗ് കുറ്റപ്പെടുത്തി.

പ്രതിപക്ഷം നിക്ഷിപ്ത രാഷ്ട്രീയ താല്‍പ്പര്യങ്ങളോടെ പ്രവര്‍ത്തിക്കുകയും രാജ്യത്തിന്റെ പ്രതിച്ഛായ കളങ്കപ്പെടുത്തുകയും ചെയ്തു. എന്നാല്‍ ഇപ്പോള്‍ അതേ വ്യക്തികള്‍ വാക്സിന്‍ ലഭിക്കാന്‍ ക്യൂവിലാണെന്നും ശെഖാവത്ത് പരിഹസിച്ചു. രാജ്യത്തിന്റെ സ്വന്തം പരിശ്രമം കൊണ്ടാണ് ഇതെല്ലാം സംഭവിക്കുക. ചരിത്രത്തില്‍ ആദ്യമായാണ് ലോകത്തിലെ മറ്റ് രാജ്യങ്ങളോടൊപ്പം ഇന്ത്യ സ്വന്തമായി വാക്സിനുകള്‍ വികസിപ്പിക്കുന്നത്. നേരത്തെ, ഏതെങ്കിലും വാക്സിനുകള്‍ ഇന്ത്യയില്‍ എത്താന്‍ വര്‍ഷങ്ങളെടുത്തിരുന്നു കേന്ദ്രമന്ത്രി പറയുന്നു.