National
കൊവിഡ് വ്യാപനം രൂക്ഷം; അതീവ ജാഗ്രത പുലര്ത്തണമെന്ന് കേരളത്തോട് കേന്ദ്രം
ന്യൂഡല്ഹി | കൊവിഡ് വ്യാപനം അതി തീവ്രമായ സാഹചര്യത്തില് കേരളം കടുത്ത ജാഗ്രത പാലിക്കണമെന്ന് ആരോഗ്യമന്ത്രാലയം. കൊവിഡ് നിയന്ത്രണങ്ങള് കൂടുതല് കര്ശനമാക്കാന് കേരളമടക്കം പത്ത് സംസ്ഥാനങ്ങള്ക്ക് കേന്ദ്രം നിര്ദ്ദേശം നല്കി.
അതേ സമയം ഡല്ഹിയിലും മധ്യപ്രദേശിലും പ്രതിദിന കൊവിഡ് കേസുകളില് നേരിയ കുറവുണ്ട്. രോഗമുക്തി നിരക്ക് രണ്ട് ദിവസത്തിനുള്ളില് 78 ശതമാനത്തില് നിന്ന് 82 ശതമാനമായി. എന്നാല് കേരളം, കര്ണ്ണാടകം, ആന്ധ്ര. ബിഹാര്, അസം തുടങ്ങി പത്ത് സംസ്ഥാനങ്ങളിലെ പ്രതിദിന വര്ധന ഇപ്പോഴും ആശങ്കാജനകമാണ്. ഈ സംസ്ഥാനങ്ങളിലെ പല ജില്ലകളിലും ടെസ്റ്റ് പോസിറ്റിവിറ്റി നിരക്ക് അറുപത് ശതമാനത്തിന് മുകളിലെത്തിയിരിക്കുകയാണ്. ഈ പശ്ചാത്തലത്തില് നിയന്ത്രണങ്ങള് കടുപ്പിക്കണമെന്ന് കേന്ദ്രം ആവര്ത്തിച്ചു.
---- facebook comment plugin here -----