Gulf
റമസാനില്‍ ഒരാള്‍ക്ക് ഒരു ഉംറ മാത്രം; വാക്‌സിനെടുത്ത എല്ലാവര്‍ക്കും ഉംറ നിര്‍വഹിക്കാന്‍ അവസരം
മക്ക | റമസാനില്‍ ഒരാള്‍ക്ക് ഒരു ഉംറ മാത്രമാക്കി ചുരുക്കി ഹജ്ജ് ഉംറ മന്ത്രാലയം. കൊവിഡ് പ്രതിരോധ വാക്‌സിനേഷന്‍ സ്വീകരിച്ച മുഴുവന്‍ ആളുകള്‍ക്കും അനുഗൃഹീത മാസത്തില്‍ ഉംറ നിര്‍വഹിക്കാന്‍ അവസരം ഒരുക്കുന്നതിന്റെ ഭാഗമായാണ് മന്ത്രാലയത്തിന്റെ പുതിയ തീരുമാനം. ഇതോടെ കൂടുതല്‍ പേര്‍ക്ക് ഉംറ നിര്‍വഹിക്കാനും ജമാഅത്ത് നിസ്‌കാരങ്ങളില്‍ പങ്കെടുക്കുന്നതിനും അവസരം ലഭിക്കും.
കൊവിഡ് വൈറസില്‍ നിന്ന് മുക്തി നേടിയവര്‍, രണ്ട് ഡോസ് വാക്‌സിന്‍ സ്വീകരിച്ചവര്‍, ഒന്നാം ഘട്ടം വാക്‌സിന്‍ സ്വീകരിച്ച് 14 ദിവസം പൂര്‍ത്തിയായവര്‍ എന്നിവര്‍ക്ക് മാത്രമാണ് ഈ വര്‍ഷം ഹറമുകളിലേക്ക് പ്രവേശനാനുമതിയുള്ളത്.
ആരോഗ്യ സുരക്ഷയുടെ ഭാഗമായി ആളുകളുടെ തിരക്ക് ഒഴിവാക്കുന്നതിന്റെ ഭാഗമായാണ് പുതിയ തീരുമാനം. ഹജ്ജ് ഉംറ മന്ത്രാലയത്തിന്റെ “ഇഹ്തമര്‍ന” ആരോഗ്യ മന്ത്രാലയത്തിന്റെ “”തവകല്‍ന”” ആപ്പുകള്‍ വഴി ഉംറ നിര്‍വഹിക്കുന്നതിനും ജമാഅത്ത് നിസ്‌കാരങ്ങളില്‍ പങ്കെടുക്കുന്നതിനുമുള്ള ഉംറ അനുപത്രം നല്‍കിത്തുടങ്ങിയിട്ടുണ്ട്. ത്വറാവീഹ് നമസ്‌കാരത്തില്‍ പങ്കെടുക്കുന്നതിന് ഇശാഅ് നിസ്‌കാരത്തിന് വേണ്ടി ലഭിച്ച അനുമതിപത്രം മതിയെന്നും മന്ത്രാലയം അറിയിച്ചു.
Latest
ജനറൽ ആശുപത്രി മഞ്ചേരിയിൽ നിലനിർത്തണം: കേരള മുസ്ലിം ജമാഅത്ത്
ഇനി കേരളത്തില്‍ പരാജയപ്പെട്ടാല്‍ കോണ്‍ഗ്രസ്സിന്റെ മരണം: ദീപാ ദാസ് മുന്‍ഷി
ഡല്‍ഹിയില്‍ നാലുനില കെട്ടിടം തകര്‍ന്നുവീണു; നിരവധി ആളുകള്‍ കുടുങ്ങിക്കിടക്കുന്നതായി റിപ്പോര്‍ട്ട്
സിന്തറ്റിക് മയക്കുമരുന്ന് കേസ്: ഇന്ത്യക്കാരനെ യു എ ഇ നാടുകടത്തി
കീം റാങ്ക് ലിസ്റ്റ്: ഒരു കോടതിക്കും റദ്ദ് ചെയ്യാനാവാത്ത വിധം അടുത്ത വര്‍ഷം മാനദണ്ഡം മാറ്റുമെന്ന് മന്ത്രി ആര്‍ ബിന്ദു
സ്‌കൂള്‍ സമയമാറ്റം; ചര്‍ച്ചക്കു തയ്യാറാണെന്നു വിദ്യാഭ്യാസ മന്ത്രി
