ഇന്തോനേഷ്യയിൽ മിന്നൽ പ്രളയത്തിലും മണ്ണിടിച്ചിലിലും നൂറിലേറെ മരണം

Posted on: April 5, 2021 8:22 pm | Last updated: April 5, 2021 at 10:39 pm

ജക്കാർത്ത | കഴിഞ്ഞ രണ്ട് ദിവസമായി ശക്തമായ മ​ഴയെ തുടർന്ന് ഇന്തോനേഷ്യയിൽ മിന്നൽ പ്രളയത്തിലും മണ്ണിടിച്ചിലിലും നൂറിലേറെ പേർ മരിച്ചു. നാൽപ്പതിലധികം പേരെ കാണാതായി. മേഖലകളിൽ സൈന്യത്തി​ന്‍റെ രക്ഷാപ്രവർത്തനം തുടരുകയാണ്​.

തിങ്കളാഴ്​ച രാത്രി ലാമൻലെ ഗ്രാമത്തിൽ കുന്നിടിഞ്ഞ്​​ നിരവധി വീടുകൾ മണ്ണിനടിയിലായി. രക്ഷാപ്രവർത്തകർ ഇവിടെ നിന്ന്​ മാത്രം 40 ഓളം മൃതദേഹങ്ങൾ കണ്ടെത്തിയതായി ദുരന്ത നിവാരണ സേന വകുപ്പ്​ പറഞ്ഞു. പല ദ്വീപുകളിലും വ്യാപകമായ പ്രളയക്കെടുതികൾ ഉണ്ടായതായി വാർത്താ ഏജൻസികൾ റിപ്പോർട്ട്​ ചെയ്​തു.

പ്രളയക്കെടുതിയിൽ കിഴക്കൻ പ്രദേശങ്ങളിലടക്കം ആയിരത്തിലധികം കെട്ടിടങ്ങൾ വെള്ളത്തിലായി. റോഡുകൾ തകർന്നതും വൈദ്യുതി ബന്ധം മുറിഞ്ഞതും രക്ഷപ്രവർത്തനത്തെ​ തടസമാകുന്നുണ്ട്​.

ALSO READ  ആസ്‌ത്രേലിയയില്‍ കനത്ത മഴയും വെള്ളപ്പൊക്കവും