Kerala
ഗുരുവായൂരിലും തലശ്ശേരിയിലും പത്രിക തള്ളിയ സംഭവം; എന്‍ഡിഎ സ്ഥാനാര്‍ഥികളുടെ ഹര്‍ജി നാളെ പരിഗണിക്കും
കൊച്ചി | ഗുരുവായൂര്‍, തലശ്ശേരി മണ്ഡലങ്ങളിലെ സ്ഥാനാര്‍ഥികളുടെ നാമനിര്‍ദേശ പത്രിക തള്ളിയതിനെതിരായ ബി.ജെ.പിയുടെ ഹര്‍ജി പരിഗണിക്കുന്നത് ഹെെക്കോടതി നാളത്തേക്ക് മാറ്റി. നാളെ നിലപാട് അറിയിക്കാന്‍ തിരഞ്ഞെടുപ്പ് കമ്മീഷന് കോടതി നിര്‍ദേശം നല്‍കിയിട്ടുണ്ട്. 12 മണിക്കാണ് ഹര്‍ജികള്‍ പരിഗണിക്കുക.
പത്രിക സ്വീകരിക്കുന്നതിന് സംസ്ഥാനത്തെ വിവിധ സ്ഥലങ്ങളില്‍ വിവിധ നീതിയാണ് ഉള്ളതെന്ന് ഹര്‍ജിക്കാര്‍ ആരോപിച്ചു. ചില മണ്ഡലങ്ങളില്‍ ചില സ്ഥാനാര്‍ഥികള്‍ക്ക് മാത്രം ആനുകൂല്യങ്ങള്‍ നല്‍കിയതായും ഹര്‍ജിയില്‍ പറയുന്നു.
തലശ്ശേരി, ഗുരുവായൂര്‍, ദേവികുളം മണ്ഡലങ്ങളിലെ എന്‍.ഡി.എ. സ്ഥാനാര്‍ഥികളുടെ പത്രികയാണ് സൂക്ഷ്മ പരിശോധനയില്‍ തള്ളിയത്. ഡമ്മി സ്ഥാനാര്‍ഥികളില്ലാത്തതിനാല്‍ തലശ്ശേരിയിലും ഗുരുവായൂരിലും ബിജെപിക്ക് സ്ഥാനാര്‍ഥികള്‍ ഇല്ലാത്ത സ്ഥിതിയായി. ദേവികുളത്ത് സ്വതന്ത്ര സ്ഥാനാര്‍ഥിയായ എസ്. ഗണേശനെ ഔദ്യോഗിക സ്ഥാനാര്‍ഥിയാക്കാന്‍ മുന്നണി തീരുമാനിച്ചിട്ടുണ്ട്.
Latest
മെഡിക്കല് കോളജ് ദുരന്തം: മന്ത്രി വീണ ജോര്ജ് ബിന്ദുവിന്റെ വീട്ടിലെത്തി; കുടുംബത്തിന് എല്ലാ സഹായവും ഉറപ്പുനല്കി
കോട്ടയം മെഡിക്കല് കോളജ് ആശുപത്രി അപകടം: ഏഴ് ദിവസത്തിനകം അന്വേഷണ റിപോര്ട്ട് കൈമാറുമെന്ന് ജില്ലാ കലക്ടര്
ടെക്സാസ് മിന്നല് പ്രളയം: മരണം 43 ആയി
ഗസ്സ: 64 ഫലസ്തീനികളെ ഇസ്റാഈൽ വധിച്ചു
ഗിൽഡൺ ഇന്ത്യ!
മഅ്ദിൻ ഹിജ്റ കോൺഫറൻസ് ഇന്ന് സ്വലാത്ത് നഗറിൽ
