National
'മുറിവേറ്റ കടുവ അതീവ അപകടകാരി'; വീല്‍ ചെയറിലിരുന്ന് കൂറ്റന്‍ റാലി നടത്തി മമതാ ബാനര്‍ജി
കൊല്‍ക്കത്ത | തിരഞ്ഞെടുപ്പ് പ്രചാരണത്തിനിടെ പരുക്കേറ്റ പശ്ചിമ ബംഗാള്‍ മുഖ്യമന്ത്രി മമതാ ബാനര്‍ജി വീല്‍ ചെയറിലിരുന്ന് കൂറ്റന്‍ റോഡ് ഷോക്ക് നേതൃത്വം നല്‍കി. നൂറുകണക്കിന് പാര്‍ട്ടി പ്രവര്‍ത്തകര്‍ക്കും അനുഭാവികള്‍ക്കുമൊപ്പം കൊല്‍ക്കത്ത നഗരഹൃദയത്തിലാണ് കൂറ്റന്‍ റാലി നടത്തിയത്. ജനങ്ങളുടെ ജനാധിപത്യ അവകാശങ്ങള്‍ സംരക്ഷിക്കുന്നതില്‍ നിന്ന് ഒരു ശക്തിക്കും തന്നെ തടയാനാകില്ലെന്ന് അവര്‍ പറഞ്ഞു.
തനിക്ക് പരുക്കേറ്റിട്ടുണ്ടെന്നും ശരീരത്തിന് വയ്യായെന്നും എന്നാല്‍, ബംഗാളിലുടനീളം വീല്‍ ചെയറില്‍ സഞ്ചരിക്കുമെന്നും അവര്‍ പറഞ്ഞു. താന്‍ വിശ്രമിച്ചാല്‍ ബംഗാളി ജനതയുടെ അരികില്‍ ആരെത്തും? ഒരിക്കലും മുട്ടുമടക്കില്ലെന്നും അവര്‍ പറഞ്ഞു.
മുറിവേറ്റ കടുവ അതീവ അപകടകാരിയാണ്. എല്ലാവരും സമാധാനം പാലിക്കണമെന്നും അവര്‍ ആഹ്വാനം ചെയ്തു. നാമനിര്‍ദേശ പത്രിക സമര്‍പ്പിച്ച ശേഷം നന്ദിഗ്രാമിലെത്തിയപ്പോഴാണ് അവര്‍ക്ക് പരുക്കേറ്റത്.
Latest
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
ആറ്റിങ്ങല്: ത്രികോണ തരംഗം
ധ്രുവ് റാഠി എന്ന മാധ്യമ പ്രതിപക്ഷം
ഇ വി എമ്മിന്റെ വിശ്വാസ്യത വോട്ടര്മാര്ക്കും ബോധ്യപ്പെടണം
മണ്ണു നീക്കുന്നതിനിടെ സ്റ്റീല് ബോംബ് കണ്ടെയ്നര് കണ്ടെത്തി
