Kerala
ട്രെയിനില് കടത്തുകയായിരുന്ന 35 ലക്ഷത്തിലധികം രൂപയുമായി രാജസ്ഥാന് സ്വദേശി കോഴിക്കോട് പിടിയില്
കോഴിക്കോട് | ട്രെയിനില് അനധികൃതമായി കടത്തിയ ലക്ഷക്കണക്കിന് രൂപയുമായി രാജസ്ഥാന് സ്വദേശി കോഴിക്കോട് റെയില്വെ സ്റ്റേഷനില്നിന്ന് പിടിയിലായി. മംഗളൂരു – ചെന്നൈ എക്സ്പ്രസില് (02602) നിന്നാണ് വൈകീട്ടോടെ പ്രത്യേക സംഘം പണം പിടികൂടിയത്. രാജസ്ഥാന് സ്വദേശിയായ ബാബൂത്ത് സിംഗ്(54)നെ റെയില്വേ പോലീസ് അറസ്റ്റു ചെയ്തു. 35.97ലക്ഷം രൂപയാണ് ഇയാളില്നിന്നും കണ്ടെടുത്തത്. പണം കോഴിക്കോടേക്ക് കൊണ്ടുവന്നതാണെന്ന് ചോദ്യം ചെയ്യലില് ബാബൂത്ത് സിംഗ് മൊഴി നല്കി
നിയമസഭാ തിരഞ്ഞൈടുപ്പിന്റെ പശ്ചാത്തലത്തില് പാലക്കാട് ഡിവിഷണല് സെക്യൂരിറ്റി കമ്മീഷണര് ജെതിന് പി രാജിന്റെ നേതൃത്വത്തില് പരിശോധനക്കായി പ്രത്യേക സംഘം രൂപവത്കരിച്ചിരുന്നു. പ്രതിയെ തുടര് നടപടികള്ക്കായി ആദായ നികുതി ഉദ്യോഗസ്ഥര്ക്ക് കൈമാറി.
---- facebook comment plugin here -----