National
മീ ടൂ: മാധ്യമപ്രവര്‍ത്തകക്കെതിരായ മാനനഷ്ട കേസില്‍ എം ജെ അക്ബറിന് തിരിച്ചടി
ന്യൂഡല്‍ഹി | മാധ്യമപ്രവര്‍ത്തക പ്രിയാ രമണിക്കെതിരായ മാനനഷ്ട കേസില്‍ മുന്‍ കേന്ദ്ര മന്ത്രി എം ജെ അക്ബറിന് വന്‍ തിരിച്ചടി. 2018ലെ മീ ടൂ ക്യാമ്പയിന്‍ കാലത്ത് തന്റെ മുന്‍ എഡിറ്ററായ എം ജെ അക്ബര്‍ ലൈംഗികമായി പീഡിപ്പിച്ചുവെന്ന മാധ്യമപ്രവര്‍ത്തകയുടെ വെളിപ്പെടുത്തലിനെതിരെയായിരുന്നു മാനനഷ്ട കേസ്.
ലൈംഗിക പീഡനങ്ങള്‍ വിളിച്ചുപറയുന്ന സ്ത്രീകളെ ശിക്ഷിക്കാന്‍ സാധിക്കില്ലെന്ന് ഡല്‍ഹി കോടതി വ്യക്തമാക്കി. 20 വര്‍ഷം മുമ്പാണ് ലൈംഗികമായ മോശം പെരുമാറ്റം എം ജെ അക്ബറില്‍ നിന്ന് തനിക്ക് നേരിട്ടതെന്ന് പ്രിയാ രമണി വെളിപ്പെടുത്തിയിരുന്നു. അന്ന് ഏഷ്യന്‍ ഏജിന്റെ എഡിറ്ററായിരുന്നു അക്ബര്‍.
ഈ തുറന്നുപറച്ചിലിനെ തുടര്‍ന്ന് നരേന്ദ്ര മോഡി സര്‍ക്കാറിലെ മന്ത്രിസ്ഥാനം അക്ബറിന് രാജിവെക്കേണ്ടി വന്നു. ഒക്ടോബറിലാണ് അക്ബര്‍ മാനനഷ്ട കേസുമായി കോടതിയെ സമീപിച്ചത്. പ്രിയയുടെ തുറന്നുപറച്ചിലിനെ തുടര്‍ന്ന് കൂടുതല്‍ വനിതകള്‍ അക്ബറിനെതിരെ രംഗത്തെത്തിയിരുന്നു.
Latest
ജെപി നദ്ദ അഞ്ചു ബാഗുകളില്‍ പണം കൊണ്ടുവന്നു; ആരോപണവുമായി തേജസ്വി യാദവ്
സംസ്ഥാനത്ത് സ്വര്‍ണവില കുറഞ്ഞു
കൊച്ചി വാട്ടര്‍ മെട്രോക്ക് ഇന്ന് ഒന്നാം പിറന്നാള്‍; 19.72ലക്ഷം പേര്‍ സഞ്ചരിച്ചു
ഭാര്യയെ വെട്ടിക്കൊലപ്പെടുത്തിയ ശേഷം ഭര്‍ത്താവ് ആത്മഹത്യ ചെയ്തു
കോണ്‍ഗ്രസിന്റെ പത്ര പരസ്യത്തിനെതിരെ തിരഞ്ഞെടുപ്പ് കമ്മീഷന് പരാതി നല്‍കി ബി.ജെ.പി
ആലത്തൂരില്‍ വടിവാളെന്ന് രമ്യാ ഹരിദാസ്; ബോര്‍ഡുകള്‍ അഴിച്ചുമാറ്റിയ ആയുധമെന്ന് സി പി എം
