Kerala
ഭാഗ്യലക്ഷ്മി അടക്കമുള്ളവരുടെ മുന്കൂര് ജാമ്യാപേക്ഷയില് ഇന്ന് വിധി
കൊച്ചി| അശ്ലീല പരാമര്ശം നടത്തിയ വിവാദ യു ട്യൂബര് വിജയ് പി നായരെ മര്ദിച്ച കേസില് ഡബ്ബിംഗ് ആര്ട്ടിസ്റ്റ് ഭാഗ്യലക്ഷ്മി അടക്കമുള്ള പ്രതികളുടെ മുന്കൂര് ജാമ്യാപേക്ഷയില് ഹൈക്കോടതി ഇന്ന് വിധി പറയും. പോലീസ് ചുമത്തിയ ഭവനഭേദന, മോഷണക്കുറ്റങ്ങള് നിലനില്ക്കില്ലെന്നായിരുന്നു ഭാഗ്യലക്ഷ്മിയുടെയും മറ്റ് പ്രതികളുടെയും പ്രധാനവാദം. വിജയ് പി നായരുമായി പ്രശ്നം പറഞ്ഞു തീര്ക്കുന്നതിനാണ് ലോഡ്ജില് പോയതെന്നും പ്രതികള് അറിയിച്ചിട്ടുണ്ട്.
അതേസമയം ഭാഗ്യലക്ഷ്മിയുടെ മുന്കൂര് ജാമ്യാപേക്ഷയില് തീരുമാനം എടുക്കും മുമ്പ് തന്റെ ഭാഗം കേള്ക്കണമെന്നാവശ്യപ്പെട്ട് പരാതിക്കാരനായ വിജയ് പി നായരും ഹൈക്കോടതിയെ സമീപിച്ചിട്ടുണ്ട്. തനിക്കെതിരായ ആക്രമണത്തിന് പിന്നില് രാഷ്ട്രീയ ഗൂഢാലോചന ഉണ്ടെന്നാണ് ഹരജിക്കാരന്റെ വാദം.
---- facebook comment plugin here -----