Kerala
കാട്ടാനയുടെ ആക്രമണത്തില്‍ ഏഴാം ക്ലാസുകാരന് ദാരുണാന്ത്യം
തിരുവനന്തപുരം | തിരുവനന്തപുരത്തെ കൊമ്പൈക്കാണിയില്‍ കാട്ടാന പതിനാലുകാരനെ ചവിട്ടിക്കൊന്നു. തെന്മല ആറ്റരികത്ത് വീട്ടില്‍ ഗോപന്‍-ബിന്ദു ദമ്പതികളുടെ മകന്‍ ഷിജു (14) വാണ് കൊല്ലപ്പെട്ടത്. ആനയുടെ ആക്രമണത്തില്‍ മറ്റു രണ്ട് പേര്‍ക്ക് പരുക്കേറ്റു. അമ്പൂരി സെന്റ് തോമസ് ഹയര്‍ സെക്കന്‍ഡറി സ്‌കൂളിലെ ഏഴാം ക്ലാസ് വിദ്യാര്‍ഥിയാണ് ഷിജു. തെന്മലയില്‍ നിന്ന് പുഴ നീന്തിക്കടന്ന് ജ്യേഷ്ഠനായ അലനും സുഹൃത്തുക്കളായ സുജിത്തിനും ഷിജുവിനുമൊപ്പം ശതാവരിക്കിഴങ്ങ് ശേഖരിക്കാന്‍ കൊമ്പൈക്കാണിയില്‍ എത്തിയപ്പോഴാണ് ആനയുടെ ആക്രമണമുണ്ടായത്.
ആദിവാസികള്‍ കാട്ടിനുള്ളിലൂടെ 13 കിലോമീറ്ററോളം നടന്നാണ് മൃതദേഹം കോബൈ റിസര്‍വോയറിന് സമീപത്ത് എത്തിച്ചത്. നെയ്യാര്‍ഡാം പോലീസും വനംവകുപ്പും കൊമ്പൈക്കാണി യിലെത്തി മൃതദേഹം ബോട്ടില്‍ നെയ്യാര്‍ഡാമിലെത്തിക്കുകയും അവിടെ നിന്ന് തിരുവനന്തപുരം മെഡിക്കല്‍ കോളജ് ആശുപത്രിയിലേക്ക് കൊണ്ടുപോവുകയും ചെയ്തു. പരുക്കേറ്റ അലന്‍, സുജിത് എന്നിവരെ ആശുപത്രിയില്‍ പ്രവേശിപ്പിച്ചു.
സ്‌കൂളില്ലാത്തതും വീട്ടിലെ ഭക്ഷണ ദൗര്‍ലഭ്യവുമാണ് വിദ്യാര്‍ഥികളെ കായ്കനികള്‍ ശേഖരിക്കാന്‍ പോകാന്‍ പ്രേരിപ്പിച്ചത്. തൊഴില്‍ ഇല്ലാതായി വരുമാന മാര്‍ഗം അടഞ്ഞതോടെ വലിയ ദുരിതത്തിലാണ് ആദിവാസികള്‍.
Latest
ഇറാൻ വിദേശകാര്യ മന്ത്രി സഊദിയിലെത്തി
ട്രാഫിക് പിഴയിൽ ഇളവ് പ്രഖ്യാപിച്ച് ഷാർജ
തുല്യനീതിക്കായാണ് കീം പ്രോസ്പ്രക്ടസില്‍ മാറ്റം വരുത്തിയത്; കോടതി വിധിയില്‍ ക്യാബിനറ്റുമായി കൂടിയാലോചിച്ച് നടപടിയെന്ന് മന്ത്രി ആര്‍ ബിന്ദു
ആമസോൺ തടത്തിലെ പാരിസ്ഥിതിക കുറ്റകൃത്യം: 94 പേരെ യു എ ഇ അറസ്റ്റ് ചെയ്തു
ലോഡുമായി പോകുന്നതിനിടെ ലോറിയുടെ ബ്രേക്ക് നഷ്ടപ്പെട്ടു; രക്ഷപ്പെടാന്‍ പുറത്തേക്ക് ചാടിയ ഡ്രൈവര്‍ അതേ ലോറി കയറി മരിച്ചു
ജപ്തി ഭീഷണിയെ തുടര്‍ന്ന് ഗൃഹനാഥന്‍ ജീവനൊടുക്കിയ സംഭവം; 15 ദിവസം സാവകാശം ചോദിച്ചിട്ടും ബേങ്ക് നല്‍കിയില്ലെന്ന് മധുവിന്റെ സഹോദരന്‍
