Business
ടാറ്റ ഗ്രൂപ്പില്‍ വമ്പന്‍ നിക്ഷേപത്തിന് വാള്‍മാര്‍ട്ട്
മുംബൈ | ടാറ്റ ഗ്രൂപ്പില്‍ 2500 കോടി ഡോളറിന്റെ വമ്പന്‍ നിക്ഷേപത്തിന് വാള്‍മാര്‍ട്ട്. ടാറ്റയുടെ പുതിയ സൂപ്പര്‍ ആപ്പില്‍ നിക്ഷേപം നടത്താനാണ് വാള്‍മാര്‍ട്ടുമായി ചര്‍ച്ചകള്‍ പുരോഗമിക്കുന്നത്. നിക്ഷേപത്തില്‍ അന്തിമ തീരുമാനമായാല്‍ വാള്‍മാര്‍ട്ട്- ടാറ്റ കമ്പനികളുടെ സംയുക്ത സംരംഭമായാണ് സൂപ്പര്‍ ആപ്പ് ആരംഭിക്കുക.
മാത്രമല്ല, ഇന്ത്യയില്‍ സജീവമായ വാള്‍മാര്‍ട്ടിന്റെ ഉടമസ്ഥതയിലുള്ള ഫ്ളിപ്കാര്‍ട്ടും ടാറ്റയുടെ ഇ- വാണിജ്യ ബിസിനസ്സുകളും തമ്മില്‍ സഹകരണം ശക്തമാകുകയും ചെയ്യും. മുകേഷ് അംബാനിയുടെ നേതൃത്വത്തിലുള്ള റിലയന്‍സ് ഇന്‍ഡസ്ട്രീസിന്റെ ജിയോയില്‍ ഫേസ്ബുക്ക്, ഗൂഗ്ള്‍, കെ കെ ആര്‍, സില്‍വര്‍ ലേക് പാര്‍ട്‌ണേഴ്‌സ് തുടങ്ങിയവ 2000 കോടി ഡോളറിന്റെ നിക്ഷേപം നടത്തിയ അവസരത്തിലാണ് വാള്‍മാര്‍ട്ട്- ടാറ്റ സഹകരണത്തിന്റെ വാര്‍ത്തകള്‍ പുറത്തുവരുന്നത്.
പുതിയ ഡിജിറ്റല്‍ പ്ലാറ്റ്‌ഫോമില്‍ കൂടുതല്‍ നിക്ഷേപകരുമായി ടാറ്റ ചര്‍ച്ച ചെയ്യുന്നതായി ബ്ലൂംബര്‍ഗ് ന്യൂസ് റിപ്പോര്‍ട്ട് ചെയ്തു. ടാറ്റ സണ്‍സ് യൂണിറ്റിന്റെ കീഴിലാണ് സൂപ്പര്‍ ആപ്പ് തുടങ്ങുക. ഇതിലെ ഏറ്റവും വലിയ ഓഹരിയുടമ വാള്‍മാര്‍ട്ടായിരിക്കും. ഡിസംബറിലോ ജനുവരിയിലോ സൂപ്പര്‍ ആപ്പ് ഇന്ത്യയില്‍ ആരംഭിക്കാനാണ് ടാറ്റയുടെ പദ്ധതി.
Latest
മലപ്പുറത്ത് തെരുവുനായ ചാടി ഓട്ടോ മറിഞ്ഞു; ഡ്രൈവര്‍ക്ക് ദാരുണാന്ത്യം
ചരക്ക് ട്രെയിനിന് തീപ്പിടിച്ച സംഭവത്തിൽ അട്ടിമറി സാധ്യത പരിശോധിക്കുന്നു; പാളത്തിൽ വിള്ളൽ കണ്ടെത്തി
ദുബൈയില്‍ കരാര്‍ മേഖലക്ക് പുതിയ നിയമം; നഗരവികസന, സാമ്പത്തിക വളര്‍ച്ചക്കായി വ്യക്തമായ ചട്ടക്കൂട് രൂപപ്പെടുത്തുക ലക്ഷ്യം
ഹൃദയാഘാതത്തെ തുടര്‍ന്ന് യുവാവ് റോഡില്‍ കുഴഞ്ഞുവീണു; യാദൃച്ഛികമായി എത്തിയ ഡോക്ടര്‍ രക്ഷകനായി
മണ്ണാര്‍ക്കാട് സി പി എം ഏരിയാ കമ്മിറ്റി ഓഫീസിനു നേരെ പടക്കമേറ്; സി പി എം പ്രവര്‍ത്തകന്‍ അറസ്റ്റില്‍
അല്‍ നഹ്ദയില്‍ മലയാളി യുവതിയും കുഞ്ഞും മരിച്ച സംഭവം: ഫോറന്‍സിക് റിപോര്‍ട്ട് പുറത്ത്
