National
മയക്കുമരുന്ന് കേസ്: നടിമാരുടെ മൊബൈല്‍ ഫോണുകള്‍ എന്‍ സി ബി വിദഗ്ധ പരിശോധനക്ക് വിധേയമാക്കും
മുംബൈ | ബോളിവുഡ് നടന്‍ സുശാന്ത് സിംഗിന്റെ മരണവുമായി ബന്ധപ്പെട്ട മയക്കുമരുന്ന് കേസില്‍ നടിമാരുടെ മൊബൈല്‍ ഫോണുകള്‍ നാര്‍ക്കോട്ടിക്സ് കണ്‍ട്രോള്‍ ബ്യൂറോ (എന്‍ സി ബി) വിദഗ്ധ പരിശോധനയ്ക്ക് വിധേയമാക്കും. നടിമാരായ ദീപിക പദുകോണ്‍, സാറാ അലിഖാന്‍, ശ്രദ്ധ കപൂര്‍,രാകുല്‍ പ്രീത് സിംഗ് എന്നിവരുടെ ഫോണുകളാണ് പരിശോധിക്കുക. കേസില്‍ കൂടുതല്‍ പേര്‍ പിടിയിലാകുമെന്നാണ് സൂചന.
സുശാന്തിന്റെ മുന്‍ ടാലന്റ് മാനേജരായ ജയ സാഹ, ദീപികയുടെ ബിസിനസ് മാനേജരായ കരീഷ്മ പ്രകാശ് എന്നിവരുടെ മൊബൈല്‍ ഫോണില്‍ നിന്ന് കിട്ടിയ വിവരങ്ങളുടെ അടിസ്ഥാനത്തിലാണ് ദീപികക്കും ശ്രദ്ധക്കും ചോദ്യം ചെയ്യലിനായി സമന്‍സ് അയച്ചിരുന്നത്.
മയക്കുമരുന്നു കേസില്‍ അറസ്റ്റിലായി ജുഡീഷ്യല്‍ കസ്റ്റഡിയില്‍ കഴിയുന്ന നടി റിയാ ചക്രവര്‍ത്തിയുടെ വാട്സാപ്പ് ചാറ്റില്‍ നിന്നുള്ള സൂചനകള്‍ പ്രകാരമാണ് സുശാന്തിന്റെ സുഹൃത്തായിരുന്ന സാറാ അലിഖാനെയും നടി രാകുല്‍ പ്രീത് സിംഗിനെയും എന്‍ സി ബി ചോദ്യം ചെയ്തത്.
സംവിധായകന്‍ കരണ്‍ ജോഹറിന്റെ നിര്‍മാണസ്ഥാപനമായ ധര്‍മ പ്രൊഡക്ഷന്‍സില്‍ എക്സിക്യൂട്ടീവ് ഡയറക്ടര്‍ ക്ഷിതിജ് രവി പ്രസാദിനെയും കേസില്‍ പോലീസ് അറസ്റ്റ് ചെയ്തിരുന്നു. ധര്‍മ പ്രൊഡക്ഷന്‍സില്‍ അസിസ്റ്റന്റ് ഡയറക്ടറായിരുന്ന അനുഭവ് ചോപ്രയെ എന്‍ സി ബി ചോദ്യം ചെയ്ത് വിട്ടയക്കുകയും ചെയ്തു.
Latest
കലൂര്‍ സ്റ്റേഡിയത്തിന്റെ നവീകരണത്തില്‍ സ്‌പോണ്‍സറുടെ പങ്കെന്താണ്?; ജിസിഡിഎയോട് ചോദ്യങ്ങളുമായി ഹൈബി ഈഡന്‍ എംപി
പിഎം ശ്രീ; മുഖ്യമന്ത്രിയുമായി ചര്‍ച്ചയ്ക്ക് സിപിഐ, ആലപ്പുഴയില്‍ ഇന്ന് 3.30ന്
കൊടുങ്ങല്ലൂരില്‍ യുവാവിനെ മര്‍ദിച്ച് ജനനേന്ദ്രിയം മുറിച്ചു, കാഴ്ച നഷ്ടപ്പെടുത്തി; കേസെടുത്തു, പ്രതികള്‍ക്കായി അന്വേഷണം ആരംഭിച്ചു
കരൂര്‍ ദുരന്തത്തില്‍ മരിച്ചവരുടെ കുടുംബങ്ങളെ വിജയ് ഇന്ന് കാണും; കൂടിക്കാഴ്ച സ്വകാര്യ റിസോര്‍ട്ടില്‍
ആര്‍ത്തുങ്കലില്‍ മീന്‍ പിടിക്കുന്നതിനിടെ വള്ളത്തില്‍ നിന്ന് കടലില്‍ വീണ് മത്സ്യത്തൊഴിലാളി മരിച്ചു
ശബരിമല സ്വര്‍ണക്കൊള്ള; ഉണ്ണികൃഷ്ണന്‍ പോറ്റിയെയും മുരാരി ബാബുവിനെയും ഒരുമിച്ചിരുത്തി ചോദ്യം ചെയ്യും
