Health
പേടിക്കേണ്ടതില്ല വെരിക്കോസ് വെയ്ന്‍
അധ്യാപനം, ട്രാഫിക് പോലീസിംഗ്, ഹോട്ടല്‍ കുക്കിംഗ് തുടങ്ങി ദീര്‍ഘനേരം നില്‍ക്കേണ്ട ജോലി ചെയ്യുന്നവര്‍ക്ക് വരാന്‍ സാധ്യതയുള്ള രോഗമാണ് വെരിക്കോസ് വെയ്ന്‍. സമൂഹത്തില്‍ സാധാരണ കാണുന്ന രോഗവുമാണിത്. ലിംഗഭേദമില്ലാതെ ആര്‍ക്കും വരാം.
ഗര്‍ഭകാലത്ത് സ്ത്രീകളില്‍ പൊതുവെ വെരിക്കോസ് വെയ്ന്‍ ഉണ്ടാകും. എന്നാല്‍, 30 ശതമാനം പേരിലേ പിന്നീട് ഇത് രോഗമായി വികസിക്കുകയുള്ളൂ. കാലുകളിലെ തടിപ്പ് കാണുമ്പോഴാണ് ആളുകള്‍ ശ്രദ്ധിക്കുക. പലരും ഇത് ഞരമ്പ് തടിക്കുന്നതായി തെറ്റിദ്ധരിക്കാറുണ്ട്. യഥാര്‍ഥത്തില്‍ ഞരമ്പല്ല തടിക്കുന്നത്. മറിച്ച്, രക്തക്കുഴലുകളാണ്. ഹൃദയത്തിലേക്ക് തിരിച്ച് രക്തമെത്തിക്കുന്ന കുഴലില്‍ തടസ്സം നേരിടുമ്പോള്‍ ഇങ്ങനെ തടിക്കുന്നു.
പാദത്തിന് ചുറ്റും ചൊറിച്ചിലുണ്ടാകുന്നതാണ് മറ്റൊരു ലക്ഷണം. നീരുമുണ്ടാകും. ഈ ലക്ഷണങ്ങളെല്ലാം അവഗണിച്ചാല്‍, പിന്നീട് ചൊറിച്ചില്‍ കൂടി മുറിവാകുകയും ഉണങ്ങാന്‍ പ്രയാസം നേരിടുകയും കാലിന്റെ നിറം മാറുകയും ചെയ്യും. കറുപ്പ് നിറത്തിലേക്കാണ് മാറുക. ലക്ഷണങ്ങള്‍ ശ്രദ്ധയില്‍ പെട്ടാല്‍ വെരിക്കോസ് സര്‍ജനെ കാണുന്നതാണ് ഉചിതം. താക്കോല്‍ദ്വാര ശസ്ത്രക്രിയ അടക്കമുള്ള ചികിത്സകള്‍ ലഭ്യമാണ്.
വിവരങ്ങള്‍ക്ക് കടപ്പാട്: ഡോ.വിനായഖ്‌റാം
Latest
ദളിത് യുവതിക്കെതിരായ വ്യാജ മോഷണ പരാതി; വീട്ടുടമക്കും പോലീസുകാര്‍ക്കുമെതിരെ കേസെടുത്തു
രജിസ്ട്രാറുടെ സസ്‌പെന്‍ഷന്‍; കേരള സര്‍വകലാശാല നാളെ പ്രത്യേക സിന്‍ഡിക്കേറ്റ് യോഗം ചേരും
സ്വകാര്യ ബസ് സമരം ഒഴിവാക്കാന്‍ ഉടമകളുമായി ചര്‍ച്ച നടത്തും: മന്ത്രി കെ ബി ഗണേഷ് കുമാര്‍
ആറാം ക്ലാസ് വിദ്യാര്‍ഥിയെ ലൈംഗിമായി പീഡിപ്പിച്ച കേസ്; പ്രതിക്ക് 9 വര്‍ഷം കഠിനതടവും 85000 രൂപ പിഴയും
മന്ത്രി വീണാ ജോര്‍ജിനെ വേട്ടയാടാനാണ് യു ഡി എഫ് തീരുമാനമെങ്കില്‍ ശക്തമായി നേരിടുമെന്ന് ഡി വൈ എഫ് ഐ
എസ് എസ് എഫ് വണ്‍ ഡ്രോപ്പ് കാമ്പയിന്‍ ആരംഭിച്ചു
