National
കനത്ത മഴയില്‍ ഹൈദരബാദ് വെള്ളത്തിനടിയിലായി
ഹൈദരാബാദ്| കഴിഞ്ഞ മൂന്ന് ദിവസമായി സംസ്ഥാനത്ത് നിര്‍ത്താതെ പെയ്യുന്ന കനത്ത മഴയില്‍ ഹൈദരാബാദിലെ നിരവധി പ്രദേശങ്ങള്‍ വെള്ളത്തിനടിയിലായി. അടുത്ത മൂന്ന് ദിവസം കൂടി മഴ തുടരുമെന്ന് കാലാവസ്ഥാ വകുപ്പ് അറിയിച്ചു. വെള്ളപ്പൊക്കമുണ്ടായാല്‍ അതീവ ജാഗ്രത പാലിക്കണമെന്ന് മുഖ്യമന്ത്രി കെ ചന്ദ്രശേഖര റാവു ഉദ്യോഗസ്ഥര്‍ക്ക് നിര്‍ദേശം നല്‍കി.
ചില പ്രദേശങ്ങളില്‍ അരുവികളും തോടുകളും കരകവിഞ്ഞൊഴുകിയതായി റിപ്പോര്‍ട്ട് ചെയ്യുന്നു. ജയശങ്കര്‍ ഭൂപല്‍പ്പള്ളി ജില്ലയിലെ കുഡ്‌നാപള്ളി ഗ്രാമത്തില്‍ കുടുങ്ങിയ 10 കര്‍ഷകരെ ദേശീയ ദുരന്ത നിവാരണ സേന ഹെലികോപ്റ്റര്‍ വഴി രക്ഷപ്പെടുത്തിയതായി സര്‍ക്കാര്‍ പറഞ്ഞു. സിദ്ദിപേട്ടയില്‍ വെള്ളപ്പൊക്കത്തില്‍ ട്രക്ക് ഒലിച്ച് പോയി. ക്ലീനറിനെ രക്ഷപ്പെടുത്തിയെങ്കിലും ഡ്രൈവര്‍ വെള്ളത്തില്‍ മുങ്ങിപ്പോയി.
ഹൈദരബാദില്‍ രണ്ട് കണ്‍ട്രോള്‍ റൂമുകള്‍ തുറന്നിട്ടുണ്ട്. ദുരന്തനിവാരണ പ്രവര്‍ത്തനങ്ങള്‍ക്കായി രണ്ട് ഹെലികോപ്റ്റര്‍ വിന്യസിച്ചു. വാറംഗല്‍, കരിംനഗര്‍ എന്നിവിടങ്ങളില്‍ വെള്ളപ്പൊക്ക ഭീഷണിയുള്ളതായി മുഖ്യമന്ത്രി മുന്നറിയിപ്പ് നല്‍കി.
Latest
കുട്ടിയാന കൊച്ചയ്യപ്പന്‍ ചരിഞ്ഞു
ഹാരിസ് മികച്ച ഡോക്ടര്‍; വാക്കുകളില്‍ 'കുനിഷ്ട് ' ഉള്ളതായി തോന്നുന്നില്ല: ബിനോയ് വിശ്വം
വിസ്മയ കേസ് പ്രതിക്ക് ജാമ്യം; ശിക്ഷാ വിധിയും സുപ്രീം കോടതി മരവിപ്പിച്ചു
അമേരിക്ക പോലും വിറച്ചുനിന്ന കാലത്ത് ശരിയായ നിലപാട് സ്വീകരിച്ചതാണ് കേരളം; പ്രതിപക്ഷത്തിന് ആയുധം നല്‍കുന്ന പരാമര്‍ശമുണ്ടാകുമ്പോള്‍ പ്രതികരണമുണ്ടാകും: എംവി ഗോവിന്ദന്‍
യന്ത്രത്തകരാര്‍; എയര്‍ ഇന്ത്യയുടെ കൊച്ചി ദുബൈ വിമാനത്തിന് പുറപ്പെടാനായില്ല
ഹേമചന്ദ്രന്റേത് ആത്മഹത്യ, വീണ്ടും പോസ്റ്റ്‌മോര്‍ട്ടം ചെയ്യണം; ഫേസ്ബുക്ക് വീഡിയോയുമായി ഒളിവില്‍ കഴിയുന്ന പ്രതി നൗഷാദ്
