National
അഞ്ച് വയസുകാരിയെ കഴുത്തറുത്ത് കൊന്നശേഷം യുവാവ് ആത്മഹത്യക്ക് ശ്രമിച്ചു
ഹൈദരാബാദ്| അഞ്ച് വയസുകാരിയെ കഴുത്തറുത്ത് കൊന്നശേഷം യുവാവ് ആത്മഹത്യക്ക് ശ്രമിച്ചു. ഹൈദരാബാദിലെ ഘട്കേസറിൽ ഇന്നലെ ആണ് സംഭവം. മരിച്ച കുട്ടിയുടെ അമ്മയുടെ കാമുകനാണ് യുവാവ്.
കഴിഞ്ഞ ദിവസം യുവാവ് സ്ത്രീയുടെ വീട്ടിൽ വന്നപ്പോൾ അവിടെ മറ്റൊരാളെ കണ്ടെന്നും ഇയാളെ സ്ത്രീ അവഗണിച്ചതായും പൊലീസ് പറഞ്ഞു. സംഭവത്തിൽ പ്രകാപിതനായ യുവാവ് സ്ത്രീയുമായി വാക്തർക്കമുണ്ടാവുകയും ശേഷം ഇയാൾ ബ്ലേഡ് ഉപയോഗിച്ച് കുട്ടിയുടെ കഴുത്തറുക്കുകയും ആയിരുന്നു. വീട്ടിലുണ്ടായിരുന്ന ആളുടെയും കഴുത്തിൽ ബ്ലേഡ് കൊണ്ട് മുറിവേർപ്പിച്ചിരുന്നു. തുടർന്നാണ് ഇയാൾ ആത്മഹ്യക്ക് ശ്രമിച്ചത്. കുട്ടിയെ അടുത്തുള്ള ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
സംഭവം നാട്ടുകാരാണ് പൊലീസിൽ അറിയിച്ചത്. തുടർന്ന് പൊലീസ് ചോദ്യം ചെയ്യലിലാണ് പ്രതി സ്ത്രീയുമായുള്ള ബന്ധം തുറന്ന് പറഞ്ഞത്. കുട്ടിയെ ആക്രമിച്ചതിന്റെ കാരണം വ്യക്തമല്ല. ഇയാൾക്കെതിരെ കൊലപാതകത്തിന് കേസെടുത്തു.