Covid19
കൊവിഡില് കോഴിക്കോട് ജില്ലക്ക് ആശ്വാസം; എല്ലാ ഫലവും നെഗറ്റീവ്
കോഴിക്കോട് | സംസ്ഥാനത്താകെ കൊവിഡ് 19 പടര്ന്ന് പിടിക്കുമ്പോള് കോഴിക്കോട് ജില്ലക്ക് ഏറെ ആശ്വാസവുമായി പരിശോധന ഫലങ്ങള് വന്നു. നിലവില് അയച്ച 137 സാമ്പിളുകളില് എല്ലാം നെഗറ്റീവാണെന്ന് പരിശോധനയില് കണ്ടെത്തി. അവലോകന യോഗത്തിന് ശേഷം മന്ത്രി ടി പി രാമകൃഷ്ണനാണ് മാധ്യമങ്ങളോട്ഇക്കാര്യം പറഞ്ഞത്.
നെഗറ്റീവ് ആണെങ്കിലും ഏറെ ജാഗ്രതയിലാണ് ജില്ല. 5798 പേര് ഇപ്പോഴും നിരീക്ഷണത്തിലുണ്ട്. എന്നാല് രോഗികളുടെ എണ്ണം കൂടാനുള്ള സാധ്യത തള്ളിക്കളയുന്നില്ലെന്നും മന്ത്രി പറഞ്ഞു. കോവിഡ്19 ന് മാത്രമായി കോഴിക്കോട്ടെ കാര്യങ്ങള് അറിയാന് പ്രത്യേകം മൊബൈല് ആപ്പ് കോവിഡ്19 എന്ന പേരില് തുടങ്ങിയിട്ടുണ്ട്. 1077 ടോള്ഫ്രീ നമ്പറിലൂടെയും വിവരമറിയാമെന്നും മന്ത്രി പറഞ്ഞു.
നാളെ നടക്കുന്ന ജനതാ കര്ഫ്യൂവുമായി പൂര്ണമായി സഹകരിക്കും. ഇതിനുള്ള ക്രമീകരണങ്ങള് എല്ലാം പൂര്ത്തിയായി. പ്രശസ്തമായ പിഷാരികാവ് ക്ഷേത്രത്തിലെ ഉത്സവപരിപാടികള് അടക്കം ഒഴിവാക്കാന് ട്രസ്റ്റ് തീരുമാനിച്ചിട്ടുണ്ട്. കോവിഡ് പ്രതിരോധ പ്രവര്ത്തനത്തില് ജില്ലയിലെ സ്വകാര്യ ആശുപത്രികളേയും പങ്കാളികളാക്കന് തീരുമാനിച്ചിട്ടുണ്ട്. 70 സ്വകാര്യ ആശുപത്രികള് ഇതിന്റെ ഭാഗമാവും. ഇവിടെ എത്ര കിടക്കകള് കോവിഡ് രോഗികള്ക്കായി മാറ്റിവെക്കാനാവുമെന്ന കാര്യത്തില് ഉടന് തീരുമാനമാകുമെന്നും മന്ത്രി അറിയിച്ചു.