Covid19
കൊവിഡ് ബാധിച്ച ഇറ്റലിക്കാരന് എവിടെയൊക്കെ പോയി; ആരോഗ്യ വകുപ്പിന് ഇറ്റാലിയന് ഭാഷ അറിയുന്നയാളെ വേണം
തിരുവനന്തപുരം: കൊവിഡ് 19 ബാധിച്ച് തിരുവനന്തപുരത്ത് ചികിത്സയില് കഴിയുന്ന ഇറ്റലി സ്വദേശി സഞ്ചരിച്ച വഴികള് കണ്ടെത്തുന്നതിന് ഇറ്റാലിയന് ഭാഷ അറിയുന്നയാളുടെ സഹായം തേടി ആരോഗ്യവകുപ്പ്. റൂട്ട് മാപ്പ് തയ്യാറാക്കാന് ഇയാളില് നിന്ന് പൂര്ണ വിവരങ്ങള് എടുക്കുന്നതില് ഭാഷ തടസ്സമായതോടെയാണിത്.
ഫെബ്രുവരി 27 ന് സംസ്ഥാനത്തെത്തി, വര്ക്കലയിലെ റിസോര്ട്ടില് താമസിച്ചുവന്ന ഇയാള് പല സ്ഥലങ്ങളിലും പോയിട്ടുണ്ടെന്നാണ് വിവരം. രോഗ ലക്ഷണങ്ങള് ഉണ്ടായ ശേഷവും പലരുമായും ഇടപെട്ടിട്ടുണ്ടെന്നാണ് ആരോഗ്യ പ്രവര്ത്തകരുടെ നിഗമനം. ഈ സാഹചര്യത്തില് കൃത്യമായ റൂട്ട് മാപ്പ് തയാറാക്കുന്നത് ആരോഗ്യ വകുപ്പിന് കടുത്ത വെല്ലുവിളിയാണ്. ഇറ്റാലിയന് സ്വദേശിക്ക് വൈറസ് ബാധ സ്ഥിരീകരിച്ചതോടെ ഇയാള് താമസിച്ച വര്ക്കലയിലെ റിസോര്ട്ട് അടച്ചുപൂട്ടുകയും ഇവിടുത്തെ ജീവനക്കാരായ ഒമ്പതു പേരെ ആശുപത്രിയിലേക്ക് മാറ്റുകയും ചെയ്തിരുന്നു.