Kerala
പക്ഷിപ്പനി: പക്ഷികളെ നശിപ്പിക്കേണ്ടി വരുന്ന കര്ഷകര്ക്ക് ധനസഹായ പ്രഖ്യാപനവുമായി മന്ത്രി
കോഴിക്കോട് | ജില്ലയില് പക്ഷിപ്പനി സ്ഥിരീകരിച്ച സാഹചര്യത്തില് കര്ഷകര്ക്ക് ധനസഹായ പ്രഖ്യാപനവുമായി മൃഗസംരക്ഷണ വകുപ്പു മന്ത്രി കെ രാജു. പ്രതിരോധ നടപടികളുടെ ഭാഗമായി പക്ഷികളെ നശിപ്പിക്കേണ്ടി വരുന്ന കര്ഷകര്ക്കാണ് ധനസഹായം നല്കുക. ഇതിന് എത്ര തുക നല്കണമെന്ന കാര്യത്തില് സര്ക്കാര് പിന്നീട് തീരുമാനമെടുക്കുമെന്നും മന്ത്രി പറഞ്ഞു.
പ്രതിരോധ പ്രവര്ത്തനങ്ങള്ക്കായി മൃഗ സംരക്ഷണ വകുപ്പു ഡയറക്ടറുടെ നേതൃത്വത്തില് 24 സ്ക്വാഡുകള് രൂപവത്ക്കരിച്ചിട്ടുണ്ട്. കലക്ടറുടെ നേതൃത്വത്തില് ജില്ലയിലെ വിവിധ വകുപ്പുകളെ ഏകോപിപ്പിച്ചുള്ള പ്രവര്ത്തനങ്ങളും ഊര്ജിതമായി നടന്നുവരികയാണ്.
---- facebook comment plugin here -----