Kerala
ആരോപണവിധേയര്ക്കെതിരെ പരാമര്ശമില്ല; ഫാത്തിമയുടെ മരണം മാര്ക്ക് കുറഞ്ഞതിലെ മനോവിഷമത്താലെന്ന് ആഭ്യന്തര സമതി റിപ്പോര്ട്ട്
ചെന്നൈ | മദ്രാസ് ഐഐടിയിലെ മലയാളി വിദ്യാര്ഥിനി ഫാത്തിമയുടെ മരണം മാര്ക്ക് കുറഞ്ഞതിലെ മനോവിഷമംമൂലമെന്ന് റിപ്പോര്ട്ട്. അഭ്യന്തര സമിതി ,കേന്ദ്രമാനവവിഭവശേഷി മന്ത്രാലയത്തിന് സമര്പ്പിച്ച റിപ്പോര്ട്ടിലാണ് ഇക്കാര്യം പറയുന്നത്. പരീക്ഷക്ക് മാര്ക്ക് കുറഞ്ഞതിലുള്ള മനോവിഷമം മൂലമാണ് ഫാത്തിമ ആത്മഹത്യ ചെയ്തത് എന്നാണ് അഭ്യന്തരസമിതിയുടെ കണ്ടെത്തല്.
അധ്യാപകരില് നിന്നും ഫാത്തിമക്ക് മാനസിക പീഡനമേല്ക്കേണ്ടി വന്നില്ലെന്നും അതല്ല ആത്മഹത്യക്ക് കാരണമെന്നും റിപ്പോര്ട്ട് വ്യക്തമാക്കുന്നു. ഫാത്തിമയുടെ മൊബൈല് ഫോണില് നിന്നും കണ്ടെടുത്ത ആത്മഹത്യക്കുറിപ്പില് പേര് പരാമര്ശിക്കുന്ന ഐഐടി അധ്യാപകന് സുദര്ശന് പത്മനാഭന് അടക്കം ആരെക്കുറിച്ചും റിപ്പോര്ട്ടില് പരാമര്ശമില്ല.
പഠിക്കാന് മിടുക്കിയായിരുന്ന ഫാത്തമിക്ക് സെമസ്റ്റര് പരീക്ഷയില് ഒരു വിഷയത്തില് മാര്ക്ക് കുറഞ്ഞിരുന്നു. ഈ മനോവിഷമം മൂലം ഫാത്തിമ ആത്മഹത്യ ചെയ്തുവെന്നാണ് അഭ്യന്തരസമിതി നടത്തിയ അന്വേഷണത്തില് കണ്ടെത്തിയിരിക്കുന്നത്. ഫാത്തിമയുടെ മരണവുമായി ബന്ധപ്പെട്ട് വീട്ടുകാര് ഉന്നയിക്കുന്ന ആരോപണങ്ങളെല്ലാം തന്നെ മദ്രാസ് ഐഐടിയുടെ അഭ്യന്തരസമിതി നടത്തിയ അന്വേഷണത്തില് തള്ളിക്കളയുന്നുണ്ട്.
ഫാത്തിമ ലത്തീഫിന്റെ മരണത്തില് കോടതി മേല്നോട്ടത്തില് അന്വേഷണം ആവശ്യപ്പെട്ട് ഫാത്തിമയുടെ കുടുംബം നേരത്തെ മദ്രാസ് ഹൈക്കോടതിയെ സമീപിച്ചിരുന്നു.