International
സോമാലിയയില് കാര് ബോംബ് സ്ഫോടനം: 76 മരണം- 90 പേര്ക്ക് പരുക്ക്
മൊഗാദിഷു | സോമാലിയന് തലസ്ഥാനമായ മൊഗാദിഷുവില് ഇന്ന് രാവിലെയുണ്ടായ കാര് ബോംബ് സ്ഫോടനത്തില് 76 പേര് കൊല്ലപ്പെട്ടു. 90 പേര്ക്ക് പരുക്കേറ്റു. നഗരത്തില് സുരക്ഷാ ചെക്ക് പോയിയിന്റും ടാക്സ് ഓഫീസുമുള്ള തിരക്കേറിയ സ്ഥലത്താണ് സ്ഫോടനം ഉണ്ടായത്. സ്ഫോടനത്തില് വാഹനങ്ങള് കത്തിക്കരിഞ്ഞതിനാല് മരണപ്പെട്ടവരെ തിരിച്ചറിഞ്ഞിട്ടില്ല . അപകടത്തില് പരുക്കേറ്റവരെ സൈന്യം ആശുപത്രിയിലേക്ക് മാറ്റി.
മരണസംഖ്യ ഇനിയും ഉയരാന് സാധ്യതയുണ്ടെന്നും സ്ഫോടനത്തില് മൃതദേഹങ്ങള് തിരിച്ചറിയാന് കഴിയാത്തവിധം കത്തി നശിച്ചതായി മൊഗാദിഷു മേയര് ഒമര് മഹമൂദ് മുഹമ്മദ് വാര്ത്താസമ്മേളനത്തില് അറിയിച്ചു. മരിച്ചവരില് ഭൂരിഭാഗവും മൊഗാദിഷു സര്വ്വകലാശാല വിദ്യാര്ഥികളാണ്. സ്ഫോടനത്തിന്റെ ഉത്തരവാദിത്തം ഇതുവരെ ആരും ഏറ്റെടുത്തിട്ടില്ലന്നും മേയര് ഒമര് മഹമൂദ് പറഞ്ഞു.
---- facebook comment plugin here -----