National
അധോലോക കുറ്റവാളി അരുണ്‍ ഗാവ്‌ലിക്കറിന്റെ ജീവപര്യന്തം മുംബൈ ഹൈക്കോടതിയും ശരിവെച്ചു
മുംബൈ| ശിവസേനാ മുന്‍ നഗരസഭാംഗം കമലാകര്‍ ജാംസാന്‍ഡേക്കറെ വധിച്ച കേസില്‍ അധോലോക കുറ്റവാളിയും മുന്‍ എംഎല്‍എയുമായ അരുണ്‍ ഗാവ്‌ലിക്കറിന്റെ ജീവപര്യന്തം തടവ് ശിക്ഷ മുംബൈ ഹൈക്കോടതി ശരിവച്ചു. 2012 ല്‍ പ്രത്യേക വിചാരണ കോടതി വിധിച്ച ശിക്ഷയാണ് ഇപ്പോള്‍ മുംബൈ ഹൈക്കോടതി ശരിവച്ചത്. കൊലപാതകവുമായി ബന്ധപ്പെട്ട് 2008ല്‍ അറസ്റ്റിലായ അരുണ്‍ ഗാവ്‌ലി ഇപ്പോഴും ജയിലിലാണ്. തിങ്കളാഴ്ച ഗാവ്‌ലിയുടെ അപ്പീല്‍ പരിഗണിക്കവെ ജസ്റ്റിസുമാരായ ബി പി ധര്‍മധികരിയും സ്വപ്ന ജൊആഹിയും ശിക്ഷ ശരിവയ്ക്കുകയായിരുന്നു. ഗാവ്‌ലിയ്‌ക്കൊപ്പം കൂട്ടുപ്രതികളുടെ ശിക്ഷയും കോടതി ശരിവച്ചു.
2008ലാണ് 30 ലക്ഷം രൂപ പണം വാങ്ങി ശിവസേനാ മുന്‍ നഗരസഭാംഗം കമലാകര്‍ ജാംസാന്‍ഡേക്കറെ അരുണ്‍ ഗാവ്‌ലിയുടെ കൂട്ടാളികള്‍ കൊലപ്പെടുത്തിയത്. സാഹബ്‌റാവു ഭിന്താഡെ, ബാലാ സുര്‍വെ എന്നിവരാണ് കൊലപാതകം നടത്താന്‍ കരാര്‍ നല്‍കിയത്. കെട്ടിടനിര്‍മാണത്തില്‍ കമലാകറിന്റെ എതിരാളികളായിരുന്നു ഇരുവരും. സാക്കിനാക്കയില്‍ പ്ലോട്ടിന്റെ പേരിലുണ്ടായ പ്രശ്‌നമാണു കൊലപാതകത്തില്‍ കലാശിച്ചത്്. ഭിന്താഡെ, സുര്‍വെ എന്നിവരും ഗാവ്‌ലിയും ചേര്‍ന്നു ഗൂഢാലോചന നടത്തി.തുടര്‍ന്നു കോര്‍പറേറ്ററെ വധിക്കാന്‍ ഗാവ്‌ലി തന്റെ സംഘത്തിനു നിര്‍ദേശം നല്‍കുകയായിരുന്നു. 2008 മാര്‍ച്ചില്‍ ഘാട്‌കോപ്പറിലെ വീട്ടില്‍വെച്ചാണ് കമലാകര്‍ കൊല്ലപ്പെടുന്നത്.
Latest
തൃപ്പൂണിത്തുറ അനധികൃത പടക്ക സംഭരണ കേന്ദ്രത്തിലെ സ്ഫോടനം; 10 പ്രതികള്‍ക്ക് ജാമ്യം
ഇരട്ട വോട്ട് ചെയ്യാനെത്തിയ യുവതിയെ തിരിച്ചയച്ചു
ഇന്റര്‍മീഡിയറ്റ് പരീക്ഷയില്‍ തോറ്റു; തെലങ്കാനയില്‍ ഏഴ് വിദ്യാര്‍ത്ഥികള്‍ ആത്മഹത്യ ചെയ്തു
ഇപി ജയരാജന്‍ കണ്‍വീനര്‍ സ്ഥാനം രാജിവെക്കണം; എംഎം ഹസ്സന്‍
ബിഹാറിലെ വിവാഹ പന്തലില്‍ വന്‍ തീപിടിത്തം; മൂന്ന് കുട്ടികളടക്കം ആറ് പേര്‍ മരിച്ചു
സംസ്ഥാനത്ത് ഇത്തവണയും ബിജെപി അക്കൗണ്ട് തുറക്കില്ല ;എംഎ ബേബി
