Kerala
ബോംബ് പൊട്ടി കുട്ടികള്‍ക്കു പരുക്കേറ്റ കേസ്; ആര്‍ എസ് എസ് നേതാവ് കീഴടങ്ങി
തളിപ്പറമ്പ്: കണ്ണൂര്‍ നടുവിലില്‍ വീട്ടില്‍ സൂക്ഷിച്ചിരുന്ന ബോംബ് പൊട്ടി കുട്ടികള്‍ക്ക് പരുക്കേറ്റ കേസില്‍ ആര്‍ എസ് എസ് നേതാവ് പോലീസില്‍ കീഴടങ്ങി. സംഘടനയുടെ തളിപ്പറമ്പ് താലൂക്ക് കാര്യവാഹക് മുതിരമല ഷിബുവാണ് തളിപ്പറമ്പ് ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ കീഴടങ്ങിയത്. പ്രതിയെ 14 ദിവസത്തേക്കു റിമാന്‍ഡ് ചെയ്തു.
സ്‌ഫോടനത്തില്‍ പരുക്കേറ്റ ഷിബുവിന്റെ മകന്‍ ഗോകുല്‍ (ഏഴ്)പരിയാരം മെഡിക്കല്‍ കോളജ് ആശുപത്രിയിലും, അയല്‍വാസി ശിവകുമാറിന്റെ മകന്‍ ഖജന്‍ രാജ് (12) കണ്ണൂരിലെ സ്വകാര്യാശുപത്രിയിലും ചികിത്സയിലാണ്. ഇരുവര്‍ക്കും അരക്കു താഴെയാണ് പരുക്കേറ്റത്.
വീടിനു സമീപത്തെ ചായ്പ്പില്‍ വിറകുകള്‍ക്കും മരക്കഷ്ണങ്ങള്‍ക്കുമിടയില്‍ സൂക്ഷിച്ചിരുന്ന രണ്ടു സ്റ്റീല്‍ ബോംബുകളിലൊന്നാണ് പൊട്ടിത്തെറിച്ചത്. കുട്ടികള്‍ പക്ഷിക്കൂട് നിര്‍മിക്കാനായി മരക്ഷണം വലിച്ചെടുത്തപ്പോഴാണ് ബോംബ് താഴെ വീണ് വന്‍ ശബ്ദത്തില്‍ പൊട്ടിത്തെറിച്ചത്. അടുക്കളയിലായിരുന്ന ഷിബുവിന്റെ ഭാര്യ ധന്യയും ഓടിയെത്തിയ നാട്ടുകാരും ചേര്‍ന്നാണ് കുട്ടികളെ ആശുപത്രിയിലെത്തിച്ചത്.
ഷിബുവിന്റെ വീട്ടില്‍ പോലീസും ബോംബ് സ്‌ക്വാഡും ര്‍ന്നു നടത്തിയ തിരച്ചിലില്‍ വടിവാളുകള്‍ ഉള്‍പ്പടെയുള്ള മാരകായുധങ്ങളും ബോംബ് നിര്‍മാണ സാമഗ്രികളും കണ്ടെടുത്തിട്ടുണ്ട്.
Latest
ഭാര്യയെ വെട്ടിക്കൊലപ്പെടുത്തിയ ശേഷം ഭര്‍ത്താവ് ആത്മഹത്യ ചെയ്തു
കോണ്‍ഗ്രസിന്റെ പത്ര പരസ്യത്തിനെതിരെ തിരഞ്ഞെടുപ്പ് കമ്മീഷന് പരാതി നല്‍കി ബി.ജെ.പി
ആലത്തൂരില്‍ വടിവാളെന്ന് രമ്യാ ഹരിദാസ്; ബോര്‍ഡുകള്‍ അഴിച്ചുമാറ്റിയ ആയുധമെന്ന് സി പി എം
വയനാട്ടില്‍ ബി ജെ പി വ്യാപകമായി ഭക്ഷ്യക്കിറ്റുകള്‍ വിതരണം ചെയ്യുന്നതായി ടി സിദ്ധിഖ് എം എല്‍ എ
ബിഹാറില്‍ ജെ ഡി യു നേതാവിനെ ബൈക്കിലെത്തിയവര്‍ വെടിവച്ചു കൊന്നു
തെരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന്‍ പുലര്‍ച്ചെ കാറിടിച്ച് മരിച്ചു
