National
ജമ്മു കശ്മീരില്‍ ജോലി ചെയ്യുന്ന എല്ലാ അര്‍ധ സൈനിക വിഭാഗങ്ങള്‍ക്കും സൗജന്യ വിമാന യാത്രക്ക് അനുമതി
ന്യൂഡല്‍ഹി: ജമ്മു കശ്മീരില്‍ അര്‍ധ സൈനിക വിഭാഗത്തില്‍ ജോലി ചെയ്യുന്ന മുഴുവന്‍ സേനാംഗങ്ങള്‍ക്കും സൗജന്യ വിമാന യാത്ര അനുവദിച്ച് കേന്ദ്ര ആഭ്യന്തര മന്ത്രാലയം ഉത്തരവായി. സൈനിക ക്യാമ്പുകളില്‍ നിന്ന് അവധിക്ക്‌ നാട്ടിലേക്കും മറ്റും മടങ്ങുമ്പോഴും തിരികെ വരുമ്പോഴും ഈ ആനുകൂല്യം ഉപയോഗപ്പെടുത്താം. പുല്‍വാമ ഭീകരാക്രമണത്തെ പിന്തുടര്‍ന്നാണ് സൈനികര്‍ക്ക് സഹായകമാകുന്ന നടപടിയുമായി സര്‍ക്കാര്‍ രംഗത്തെത്തിയത്.
സി ആര്‍ പി എഫ് അടക്കമുള്ള എല്ലാ അര്‍ധ സൈനിക വിഭാഗങ്ങളും ആനുകൂല്യത്തിന് അര്‍ഹരാണെന്ന് കേന്ദ്ര ആഭ്യന്തര മന്ത്രാലയം പുറത്തിറക്കിയ ഉത്തരവില്‍ വ്യക്തമാക്കുന്നു. കോണ്‍സ്റ്റബിള്‍ മുതല്‍ വരുന്ന ഏഴു ലക്ഷത്തിലേറെ സൈനികര്‍ക്ക് ഇതിന്റെ പ്രയോജനം ലഭിക്കും.
ഡല്‍ഹി-ശ്രീനഗര്‍, ശ്രീനഗര്‍-ഡല്‍ഹി, ജമ്മു-ശ്രീനഗര്‍, ജമ്മു-ഡല്‍ഹി റൂട്ടുകളിലാണ് അര്‍ധ സൈനിക വിഭാഗങ്ങള്‍ക്ക് സൗജന്യ വിമാന യാത്രക്ക് അര്‍ഹതയുള്ളത്. ഈ റൂട്ടുകളില്‍ നേരത്തെ എയര്‍ കൊറിയര്‍ സര്‍വീസ് സൈനികര്‍ക്ക് സൗജന്യമായി അനുവദിച്ചിരുന്നു.
Latest
ജാവദേക്കര്‍ ചായ കുടിക്കാന്‍ പോകാന്‍ ഇപിയുടെ വീട് ചായക്കടയാണോ?; ആരോപണത്തില്‍ ഉറച്ചുനില്‍ക്കുന്നതായി കെ സുധാകരന്‍
എൽഡിഎഫ് ബൂത്ത് ഓഫീസിലേക്ക് വാഹനം ഇടിച്ചു കയറി അപകടം; 6 പേര്‍ക്ക് പരുക്ക്
ഇടതുമുന്നണിക്ക് എന്നും മതവർഗീയ വിരുദ്ധ നിലപാട് ;മന്ത്രി മുഹമ്മദ് റിയാസ്
യു എസില്‍ വാഹനാപകടത്തില്‍ മലയാളി ദമ്പതികളും കുട്ടികളും മരിച്ചു
താമരശ്ശേരിയില്‍ യുവാവിന് കുത്തേറ്റ സംഭവം ; പ്രതി പിടിയില്‍
വിവിപാറ്റുകള്‍ പൂര്‍ണ്ണമായി എണ്ണണമെന്ന ആവശ്യം സുപ്രീം കോടതി തള്ളി
