Kerala
വീരജവാന്‍ വസന്തകുമാറിന്റെ മൃതദേഹം കരിപ്പൂര്‍ വിമാനത്താവളത്തിലെത്തിച്ചു
മലപ്പുറം: പുല്‍വാമയില്‍ ഭീകരാക്രമണത്തില്‍ വീരമൃത്യു വരിച്ച വയനാട് സ്വദേശി വി വി വസന്തകുമാറിന്റെ (42) മൃതദേഹം കരിപ്പൂര്‍ വിമാനത്താവളത്തിലെത്തിച്ചു. സംസ്ഥാന ബഹുമതികളോടെ മലപ്പുറം ജില്ലാ കലക്ടര്‍ അമിത് മീണ മൃതദേഹം ഏറ്റുവാങ്ങി.
കേന്ദ്രമന്ത്രി അല്‍ഫോണ്‍ കണ്ണന്താനം, മന്ത്രിമാരായ ഇ പി ജയരാജന്‍, എകെ ശശീന്ദ്രന്‍, കെടി ജലീല്‍, എംഎല്‍എമാര്‍, വിവിധ രാഷ്ട്രീയ പാര്‍ട്ടി നേതാക്കള്‍, പ്രവര്‍ത്തകര്‍ എന്നിവര്‍ വിമാനത്താവളത്തിലെത്തിയിരുന്നു. മൃതദേഹം റോഡ് മാര്‍ഗം വയനാട്ടിലേക്ക് കൊണ്ടുപോകും. പോകും വഴി കോഴിക്കോട് തൊണ്ടയാട് രണ്ട് മിനുട്ട് നേരം മൃതദേഹം പൊതു ദര്‍ശനത്തിന് വെക്കും. തുടര്‍ന്ന് ഔദ്യോഗിക ബഹുമതികളോടെ തൃക്കൈപറ്റയിലെ സമുദായ ശ്മശാനത്തില്‍ പൂര്‍ണ സൈനിക സംസ്ഥാന ബഹുമതികളോടെ ധീരജവാന് വിട നല്‍കും.
ലക്കിടി സ്വദേശിയായ വസന്തകുമാര്‍ വാഴക്കണ്ടി വീട്ടില്‍ പരേതനായ വാസുദേവന്റെയും ശാന്തയുടെയും മകനാണ്.
ഈ മാസം ഒമ്പതിനാണ് കുന്നത്തിടവക വാഴക്കണ്ടി വീട്ടില്‍ വസന്തകുമാര്‍ അഞ്ച് ദിവസത്തെ ലീവിന് നാട്ടിലെത്തി മടങ്ങിയത്. സ്ഥാനക്കയറ്റവുമായി ബന്ധപ്പെട്ട് ബറ്റാലിയന്‍ മാറാനുള്ള അഞ്ച് ദിവസം കുടുംബത്തോടൊപ്പം ചെലവഴിക്കുക എന്ന ലക്ഷ്യവുമായാണ് നാട്ടിലെത്തിയത്. ഭാര്യ: ഷീന. മക്കള്‍: അനാമിക (എട്ട്) അമര്‍ദീപ് (അഞ്ച്). ഏക സഹോദരി: വസുമിത.
Latest
പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
ഉള്ള്യേരിയില്‍ ബോംബ് കണ്ടെത്തിയെന്ന വാര്‍ത്ത;പരിശോധിച്ചപ്പോള്‍ പ്രോട്ടീന്‍ പൗഡര്‍ ടിന്‍
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
വടകരയില്‍ കലാശക്കൊട്ടിനിടെ സ്ഥാനാര്‍ഥിക്കെതിരെ അധിക്ഷേപ മുദ്രാവാക്യം ; എല്‍ഡിഎഫ് പരാതി നല്‍കി
വൈക്കം മഹാദേവക്ഷേത്രക്കുളത്തില്‍ അജ്ഞാത മൃതദേഹം കണ്ടെത്തി
