National
രാജസ്ഥാനില്‍ മന്ത്രിമാരിലേറെയും ഉന്നത വിദ്യാഭ്യാസമുള്ളവര്‍
ജയ്പൂര്‍: രാജസ്ഥാനില്‍ മന്ത്രിമാരായി സത്യപ്രതിജ്ഞ ചെയ്തവരില്‍ ഭൂരിഭാഗവും ഉയര്‍ന്ന വിദ്യാഭ്യാസവും ഉന്നത ബിരുദവും സ്വന്തമാക്കിയവര്‍. സത്യപ്രതിജ്ഞ ചെയ്ത 23ല്‍ 17 പേര്‍ ഉന്നത ബിരുദധാരികളാണ്. കോണ്‍. നേതാക്കളായ ബി ഡി കല്ല. രഘു ശര്‍മ, ആര്‍ എല്‍ ഡി നേതാവ് സുഭാസ് കാര്‍ഗ് എന്നിവര്‍ക്ക് പി എച്ച് ഡിയുണ്ട്. ഇതില്‍ കല്ലയും ശര്‍മയും നിയമ ബിരുദവും നേടിയിട്ടുണ്ട്.
ശാന്തികുമാര്‍ ധരിവാള്‍, ഗോവിന്ദ് സിംഗ് ദുതാസര, സുഖ്‌റാം ബിഷ്‌ണോയ്, തികാറം ജുല്ലി എന്നിവര്‍ എല്‍ എല്‍ ബിക്കാരാണ്. മമത ഭൂപേഷ്, രഘു ശര്‍മ എന്നിവര്‍ എം ബി എ ബിരുദമെടുത്തവരാണ്. മറ്റൊരു മന്ത്രി രമേഷ് ചന്ദ് മീണ എന്‍ജിനീയറാണ്. മന്ത്രിസഭയിലെ ഏഴു പേര്‍ ബിരുദധാരികളാണ്. അഞ്ചു പേര്‍ സീനിയര്‍ സെക്കന്‍ഡറി വിദ്യാഭ്യാസം നേടിയവരാണ്. സഹ മന്ത്രിയായ അര്‍ജുന്‍ ബാംനിയ, കാബിനറ്റ് മന്ത്രി ഉദയ്‌ലാല്‍ എന്നിവര്‍ ഡിഗ്രിക്കു പോയെങ്കിലും പൂര്‍ത്തിയാക്കിയില്ല.
മറ്റൊരു സഹമന്ത്രി ഭജന്‍ ലാല്‍ ജാദവാണ് മന്ത്രിമാരില്‍ ഏറ്റവും കുറഞ്ഞ വിദ്യാഭ്യാസമുള്ളയാള്‍. എന്നാല്‍, ജാദവും പത്താം ക്ലാസ് പാസായിട്ടുണ്ട്. തിരഞ്ഞെടുപ്പു സമയത്ത് ഇവര്‍ സമര്‍പ്പിച്ച സത്യവാംഗ്മൂലത്തില്‍ നിന്നാണ് മന്ത്രിമാരുടെ വിദ്യാഭ്യാസത്തെ കുറിച്ചുള്ള വിവരങ്ങള്‍ വെളിപ്പെട്ടത്.
Latest
വീട്ടമ്മയുടെ ആത്മഹത്യക്കു പിന്നില്‍ ലൈംഗിക പീഡനം; ഡി സി സി ജനറല്‍ സെക്രട്ടറിയെ സസ്‌പെന്റ് ചെയ്തു
കാന്‍സര്‍ ചികിത്സാ രംഗത്തിന് കൂടുതല്‍ കരുത്ത് പകരും; സംസ്ഥാനത്ത് ആദ്യമായി ന്യൂക്ലിയര്‍ മെഡിസിനില്‍ പി ജി സീറ്റുകള്‍ അനുവദിച്ചു
തൊടുപുഴയില്‍ കാര്‍ നിയന്ത്രണം വിട്ട് താഴ്ചയിലേക്ക് മറിഞ്ഞ് മുത്തശ്ശിയും കൊച്ചുമകളും മരിച്ചു
ജക്കാര്‍ത്തയില്‍ നിന്നും മദീനയിലേക്ക് പോയ വിമാനത്തിന് തിരുവനന്തപുരത്ത് അടിയന്തര ലാന്‍ഡിംഗ്
കൊല്ലം കടക്കലില്‍ സിപിഐയില്‍ കൂട്ടരാജി;മുല്ലക്കര രത്‌നാകരന്റെ സഹോദരിയടക്കം 700ഓളം പേര്‍ പാര്‍ട്ടി വിട്ടു
മിച്ചല്‍ മാര്‍ഷ് മിന്നി; ഇന്ത്യക്കെതിരെ ഓസ്‌ട്രേലിയക്ക് ജയം
