Kerala
ഗോകുലത്തെ തകര്‍ത്ത് ഈസ്റ്റ് ബംഗാള്‍
കൊല്‍ക്കത്ത: ഐ ലീഗില്‍ ഈസ്റ്റ് ബംഗാളിനോട് തോറ്റ ഗോകുലം കേരള എഫ് സി ഏഴാം സ്ഥാനത്തേക്ക് പതിച്ചു. തങ്ങളുടെ ഏഴാം മത്സരത്തില്‍ ഒന്നിനെതിരെ മൂന്നു ഗോളുകള്‍ക്ക് അടിയറവു പറഞ്ഞാണ് ഗോകുലം സീസണിലെ രണ്ടാം തോല്‍വി ഏറ്റുവാങ്ങിയത്.
കളി തുടങ്ങി നാലാം മിനുട്ടില്‍ തന്നെ ബ്രാന്‍ഡോണിലൂടെ ഈസ്റ്റ് ബംഗാള്‍ മുന്നിലെത്തി. ആദ്യ ഗോള്‍ വീണ് മിനുട്ടുകള്‍ക്കകം തന്നെ അവര്‍ ലീഡ് ഉയര്‍ത്തി. ഇത്തവണ മലയാളി താരം ജോബി ജസ്റ്റിലാണ് സ്‌കോര്‍ ചെയ്തത് (2-0). രണ്ടാം പകുതിയുടെ 12 ാം മിനുട്ടിലാണ് ഗോകുലത്തിന്റെ ഏക ഗോള്‍ പിറന്നത്. വിദഗ്ധമായി മുന്നേറിയ ഡാനിയല്‍ എഡോയുടെ പാസ് സ്വീകരിച്ച ക്രിസ്റ്റ്യന്‍ സാബ പോസ്റ്റിലേക്ക് കണക്ട് ചെയ്തപ്പോള്‍ ബംഗാള്‍ ഗോളിക്ക് ഒന്നും ചെയ്യാനായില്ല.
ഒരു ഗോള്‍ കൂടിയടിച്ച് സമനില നേടാന്‍ ഗോകുലം കിണഞ്ഞു ശ്രമിച്ചെങ്കിലും ഫലമുണ്ടായില്ല. ഇതിനിടയില്‍ ബംഗാള്‍ വീണ്ടും ഗോള്‍ നേടുകയും ചെയ്തു. 82ാം മിനുട്ടില്‍ ലാല്‍റാം ചുല്ലോവയുടെതായിരുന്നു ഗോള്‍. ഏഴു മത്സരങ്ങളില്‍ നിന്ന് ഒമ്പതു പോയിന്റാണ് ഗോകുലത്തിന്റെ സമ്പാദ്യം.
Latest
ഹിജാബ് ധരിച്ച വിദ്യാര്‍ഥിനിയെ സ്‌കൂളില്‍ പ്രവേശിപ്പിക്കണമെന്ന ഡിഡിഇയുടെ ഉത്തരവിന് സ്റ്റേ ഇല്ല; സ്‌കൂളിന് തിരിച്ചടി
കെപിസിസി പുന:സംഘടനയില്‍ തഴഞ്ഞതിലെ അതൃപ്തി; പാര്‍ട്ടി പരിപാടിയില്‍ നിന്ന് വിട്ടു നിന്ന് ചാണ്ടി ഉമ്മന്‍
ഇപ്പോള്‍ എല്ലാം പോറ്റിയുടെ തലയിലായി; ശരിയായി അന്വേഷിച്ചാല്‍ അന്നത്തെ ദേവസ്വം മന്ത്രിയും പ്രതിയാകും- വിഡി സതീശന്‍
ഒന്‍പതുകാരിയുടെ മരണം ചികിത്സാപിഴവുമൂലമെന്ന് മാതാവ്; പോലീസില്‍ പരാതി നല്‍കി
ഔസേപ്പച്ചനും ഫക്രുദ്ദീന്‍ അലിയും ബിജെപി വേദിയില്‍; പാര്‍ട്ടിയിലേക്ക് ക്ഷണിച്ച് ബി ഗോപാലകൃഷ്ണന്‍
സഅദിയ്യയില്‍ താജുല്‍ ഉലമ നൂറുല്‍ ഉലമ ആണ്ട് നേര്‍ച്ചക്കും സനദ് ദാന സംഗമത്തിനും ഞായറാഴ്ച കൊടിയേറും