National
കര്‍ഷക റാലി ഡല്‍ഹിയിലേക്കെത്തുന്നത് പോലീസ് തടഞ്ഞു; പോലീസും കര്‍ഷകരും ഏറ്റ്മുട്ടി
ന്യൂഡല്‍ഹി: കേന്ദ്ര സര്‍ക്കാറിന്റെ കര്‍ഷക വിരുദ്ധ നയങ്ങള്‍ക്കെതിരെ കര്‍ഷകരും കര്‍ഷക തൊഴിലാളികളും അണിചേരുന്ന മഹാ റാലി ഗാസിയാബാദില്‍ പോലീസ് തടഞ്ഞു.ബാരിക്കേഡുകള്‍ ഭേദിച്ച് ഡല്‍ഹിയിലേക്ക് കടക്കാന്‍ ശ്രമിച്ച കര്‍ഷകര്‍ക്ക് നേരെ പോലീസ് ആദ്യം കണ്ണീര്‍ വാതകം പ്രയോഗിച്ചു. എന്നിട്ടും പിരിഞുപോകാത്ത കര്‍ഷകര്‍ക്ക് നേരെ പോലീസ് ലാത്തിച്ചാര്‍ജ് തുടങ്ങിയതോടെ കര്‍ഷകര്‍ ചെറുക്കുകയായിരുന്നു. ഇത് വലിയ സംഘര്‍ഷത്തിന് തന്നെ വഴിവെച്ചിരിക്കുകയാണ്. കര്‍ഷകര്‍ വടിയും മറ്റും ഉപയോഗിച്ച് പോലീസിനെ നേരിടാന്‍ ഒരുങ്ങുകയാണ്. സംഘര്‍ഷത്തില്‍ നിരവധി കര്‍ഷകര്‍ക്ക് പരുക്കേറ്റിട്ടുണ്ട്.
ഭാരതീയ കിസാന്‍ യൂണിയന്റെ ആഭിമുഖ്യത്തിലാണ് റാലി. റാലി നഗരത്തില്‍ പ്രവേശിക്കുന്നത് തടയാന്‍ വന്‍ പോലീസ് സംഘമാണ് അതിര്‍ത്തിയില്‍ നിലയുറപ്പിച്ചിരിക്കുന്നത്. കഴിഞ്ഞ മാസം 23ന് ഹരിദ്വാറില്‍നിന്നും തുടങ്ങിയ റാലിയില്‍ എഴുപതിനായിരത്തോളം കര്‍ഷകര്‍ അണിനിരക്കുന്നുണ്ട്. കാര്‍ഷിക വായ്പ എഴുതിത്തള്ളുക, കാര്‍ഷിക വിള ഇന്‍ഷ്വറന്‍സ് ഏര്‍പ്പെടുത്തുക, ചെറുകിട കര്‍ഷകരെ സഹായിക്കുക തുടങ്ങിയ ആവശ്യങ്ങളുന്നയിച്ചാണ് മാര്‍ച്ച്. റാലിയുടെ പശ്ചാത്തലത്തില്‍ കിഴക്ക്, വടക്ക് കിഴക്കന്‍ ഡല്‍ഹിയില്‍ തിങ്കളാഴ്ച നിരോധനാജ്ഞ പ്രഖ്യാപിച്ചിരുന്നു.
Latest
ബട്‌ലറുടെ ഒറ്റയാന്‍ പോരാട്ടം ; കൊല്‍ക്കത്തയെ തകര്‍ത്ത് രാജസ്ഥാന്‍
താമരശ്ശേരിയില്‍ കാറുകള്‍ കൂട്ടിയിടിച്ച് ഏഴ് പേര്‍ക്ക് പരുക്ക്; ഒരാളുടെ നില ഗുരുതരം
മാസപ്പടി കേസ്; സിഎംആര്‍എല്ലിന്റെ ഹരജിയില്‍ കമ്പനികാര്യ മന്ത്രാലയത്തിന് നോട്ടീസ് നല്‍കി ഡല്‍ഹി ഹൈക്കോടതി
ഹേമ മാലിനിക്കെതിരായ അധിക്ഷേപ പരാമര്‍ശം; സുര്‍ജേവാലക്ക് തിരഞ്ഞെടുപ്പ് പ്രചാരണത്തില്‍ വിലക്കേര്‍പ്പെടുത്തി
സിവിൽ സർവീസ് പരീക്ഷയിൽ റാങ്ക് നേടി മദീനതുന്നൂർ പൂർവ്വ വിദ്യാർത്ഥി
കേന്ദ്രത്തിന്റെ എതിര്‍പ്പ് തള്ളി; ശ്രീജ വിജയലക്ഷ്മിയെ ഹൈക്കോടതി ജഡ്ജിയായി ഉയര്‍ത്താന്‍ സുപ്രീം കോടതി ശിപാര്‍ശ
