National
ആഗ്രയില്‍ ബേങ്കിലേക്ക് വന്നയാളുടെ രണ്ട് ലക്ഷം രൂപ കുരങ്ങന്‍ തട്ടിയെടുത്തു; കേസെടുക്കാനാകാതെ പോലീസ്
ആഗ്ര: ആഗ്രയില്‍ ബേങ്കിലേക്ക് പോവുകയായിരുന്നയാളുടെ രണ്ട് ലക്ഷത്തോളം രൂപ തട്ടിയെടുത്തു. എന്നാല്‍ സംഭവത്തില്‍ ഏത് വകുപ്പില്‍ കേസെടുക്കുമെന്ന് അറിയാതെ കുഴങ്ങുകയാണ് പോലീസ്. കവര്‍ച്ച നടത്തിയത് കുരങ്ങുകളാണെന്നതാണ് കേസെടുക്കാനാവാതെ പോലീസിനെ കുഴക്കുന്നത്. ആഗ്ര സ്വദേശിയായ വിജയ് ബന്‍സാലിന്റേയും മകളുടേയും പണമാണ് ഒരു കുരങ്ങന്‍ തട്ടിക്കൊണ്ടുപോയത്.
പണമടങ്ങിയ ബേഗുമായി ബന്‍സാലും മകളും ബേങ്കിലേക്ക് പ്രവേശിക്കവെ ഒരു ഒരു കുരങ്ങന്‍ ബേഗ് തട്ടിപ്പറിക്കുകയായിരുന്നു. ചെറുത്തു നി്ല്‍പ്പിനിടെ 60,000 രൂപ ബന്‍സാലിന് ലഭിച്ചെങ്കിലും വാനരക്കൂട്ടം ആക്രമിക്കാന്‍ ശ്രമിച്ചതിനെത്തുടര്‍ന്ന് ഇദ്ദേഹം പിന്‍മാറുകയായിരുന്നു. താന്‍ ഏറെ കഷ്ടപ്പെട്ട് സമ്പാദിച്ച പണമാണ് വാനര സംഘം കൊണ്ടുപോയതെന്ന് ഒരു കടയിലെ ജീവനക്കാരനായ ബന്‍സാല്‍ പറഞ്ഞു.
പോലീസ് ചിലരെ ചോദ്യം ചെയ്‌തെങ്കിലും പണം തിരികെ ലഭിച്ചില്ല. നയ് കി മാണ്ടി പ്രദേശത്തെ ഇന്ത്യന്‍ ഓവര്‍സീസ് ബേങ്ക് പരിസരത്താണ് സംഭവം നടന്നത്. കുരങ്ങിന് ഭക്ഷണവും മറ്റും ഇട്ട് കൊടുത്തു ബാക്കി പണവും കൂടി തിരിച്ചുപിടിക്കാന്‍ ബേങ്ക് ജീവനക്കാരടക്കം ബന്‍സാലിനെ സഹായിച്ചെങ്കിലും ഒന്നും ഫലം കണ്ടില്ല. അതേ സമയം സംഭവത്തില്‍ ഏത് വകുപ്പില്‍ കേസെടുക്കുമെന്നതാണ് പോലീസിനെ കുഴക്കുന്നത്.
Latest
കെഎസ്ഇബി മുന്നറിയിപ്പില്ലാതെ വൈദ്യുതി വിച്ഛേദിച്ചു ; കോഴിഫാമിലെ 1500 കോഴികള്‍ ചത്തതായി പരാതി
മഹാരാഷ്ട്ര സഹകരണബേങ്ക് തട്ടിപ്പ്; അജിത്പവാറിന് ക്ലീന്‍ചിറ്റ് നല്‍കി അന്വേഷണ സംഘം
പ്രായപൂര്‍ത്തിയാകാത്ത വിദ്യാര്‍ഥിനിയെ പീഡിപ്പിച്ച 65കാരന്‍ അറസ്റ്റില്‍
മണിപ്പൂരില്‍ വീണ്ടും സ്‌ഫോടനം; പാലം തകര്‍ന്നു, പരുക്കോ മരണമോ റിപ്പോര്‍ട്ട് ചെയ്തിട്ടില്ല
വൈദ്യപരിശോധനയ്ക്ക് എത്തിച്ചപ്പോള്‍ പോലീസ് കസ്റ്റഡിയില്‍ നിന്നും ഓടി രക്ഷപ്പെട്ട പ്രതി രണ്ട് ദിവസത്തിന് ശേഷം കീഴടങ്ങി
രാഷ്ട്രീയ പാരമ്പര്യമാണ് അന്‍വര്‍ ഉദ്ദേശിച്ചത് ജൈവപരമായി കാണേണ്ടതില്ല; എംവി ഗോവിന്ദന്‍
