National
രാഷ്ട്രീയ പാര്‍ട്ടികള്‍ വിവരാവകാശത്തിന് പുറത്ത് തന്നെ
ന്യൂഡല്‍ഹി: രാഷ്ട്രീയ പാര്‍ട്ടികള്‍ വിവരാവകാശ നിമയത്തിന്റെ അധികാരപരിധിക്ക് പുറത്താണെന്ന് തിരഞ്ഞെടുപ്പ് കമ്മീഷന്‍. രാജ്യത്തെ ആറ് ദേശീയ പാര്‍ട്ടികള്‍ ശേഖരിച്ച സംഭാവനകളുമായി ബന്ധപ്പെട്ട് പൂനെ ആസ്ഥാനമായി പ്രവര്‍ത്തിക്കുന്ന വിഹാര്‍ ദുര്‍വെ വിവരാവകാശം വഴി അന്വേഷിച്ചതിനുള്ള പ്രതികരണമായിട്ടാണ് തിരഞ്ഞെടുപ്പ് കമ്മീഷന്‍ ഇക്കാര്യം വ്യക്തമാക്കിയത്.
വിവരാവകാശ നിയമത്തില്‍ രാഷ്ട്രീയ പാര്‍ട്ടികളുടെ അധികാര പരിധി നിര്‍ണയിക്കുന്നത് വിവാദപരമാകാമെന്നാണ് തിരഞ്ഞെടുപ്പ് കമ്മീഷന്‍ മറുപടി നല്‍കിയിരിക്കുന്നത്. ആവശ്യപ്പെട്ടിരിക്കുന്ന വിവരങ്ങള്‍ കമ്മീഷനില്‍ ലഭ്യമല്ല. ഇത് രാഷ്ട്രീയ പാര്‍ട്ടികളുമായി ബന്ധപ്പെട്ട വിവരങ്ങളാണ്. അത് വിവരാവകാശ പരിധിയില്‍ ഉള്‍പ്പെടുന്നതല്ലെന്നും കമ്മീഷന്‍ വ്യക്തമാക്കി. അതേസമയം, 2017- 18 വര്‍ഷത്തെ ഇലക്ടറല്‍ ബോണ്ട് വഴിയുള്ള വിവരങ്ങള്‍ ആവശ്യപ്പെടാമെന്നും കമ്മീഷന്‍ വ്യക്തമാക്കുന്നു.
ബി ജെ പി, കോണ്‍ഗ്രസ്, ബി എസ് പി, എന്‍ സി പി, സി പി എം, സി പി ഐ പാര്‍ട്ടികളുടെ സംഭാവന വിവരങ്ങളാണ് വിവരാവകാശം വഴി അന്വേഷിച്ചിരുന്നത്.
Latest
ബെംഗളൂരുവില്‍ മകളെ കുത്തിക്കൊന്ന യുവാവിനെ അമ്മ തലക്കടിച്ച് കൊന്നു
ആലുവയില്‍ ട്രെയിനില്‍ നിന്ന് വീണ് പരുക്കേറ്റ യുവാവ് മരിച്ചു
കണ്ണൂരില്‍ സ്‌കൂട്ടര്‍ ടൂറിസ്റ്റ് ബസിന് പിന്നിലിടിച്ച് ഒരു മരണം
കോന്നി മെഡിക്കല്‍ കോളജിലെ അത്യാഹിത വിഭാഗത്തില്‍ കാട്ടുപന്നി
എറണാകുളം-പാട്‌ന അണ്‍ റിസര്‍വ്ഡ് ട്രെയിന്‍ ഇന്ന് മുതല്‍ ഓടിത്തുടങ്ങും
ജെസ്‌ന തിരോധാനക്കേസ്; സിബിഐ ഉദ്യോഗസ്ഥന്‍ ഇന്ന് കോടതിയില്‍ ഹാജരാകും
