International
അഴിമതി കേസില്‍ ദ.കൊറിയന്‍ മുന്‍ പ്രസിഡന്റിന് 24 വര്‍ഷം തടവ്
സിയോള്‍: ദക്ഷിണ കൊറിയയുടെ മുന്‍ പ്രസിഡന്റ് പാര്‍ക് ഗ്വന്‍ ഹെക്ക് കോടതി 24 വര്‍ഷത്തെ ജയില്‍ ശിക്ഷ വിധിച്ചു. അഴിമതി കേസില്‍ ആരോപണവിധേയരായ ഇവര്‍ കുറ്റക്കാരാണെന്ന് കോടതി കണ്ടെത്തിയിരുന്നു. വ്യത്യസ്ത അഴിമതി കേസുകള്‍, അധികാര ദുര്‍വിനിയോഗം എന്നീ കേസുകളിലാണ് കോടതിയുടെ വിധി. 24 വര്‍ഷത്തെ ജയില്‍ ശിക്ഷക്ക് പുറമെ 16 മില്യന്‍ ഡോളറിന്റെ പിഴയും ഇവര്‍ക്ക് മേല്‍ ചുമത്തിയിട്ടുണ്ട്. ഇവര്‍ക്കെതിരെയുണ്ടായിരുന്ന രണ്ട് അഴിമതി കേസുകളില്‍ കോടതി ഇവരെ നേരത്തെ കുറ്റവിമുക്തയാക്കിയിരുന്നു. ഇവരെ ജയിലിലേക്ക് മാറ്റുന്നതിന് വേണ്ടിയുള്ള നടപടികള്‍ പുരോഗമിക്കുകയാണെന്ന് പോലീസ് അറിയിച്ചു.
എന്നാല്‍ 24 വര്‍ഷത്തെ ജയില്‍ ശിക്ഷക്ക് വിധിക്കുമ്പോള്‍ പാര്‍ക് ഗ്വന്‍ കോടതിയില്‍ ഹാജരായിരുന്നില്ല. കഴിഞ്ഞ ഒരു വര്‍ഷമായി ഇവര്‍ ജയിലില്‍ തന്നെയാണുള്ളത്. കേസുകളില്‍ ഭൂരിഭാഗത്തിലും കോടതികളില്‍ വാദം കേള്‍ക്കാന്‍ പാര്‍ക് ഗ്വന്‍ ഹാജരായിരുന്നില്ല. അഴിമതി കേസില്‍ വിചാരണ നേരിടുന്ന ദക്ഷിണ കൊറിയയുടെ മൂന്നാമത്തെ വലിയ നേതാവാണ് ഇവര്‍. 2016 ഡിസംബറില്‍ ഇവരെ ഇംപീച്ച് ചെയ്യുന്നതിനുള്ള നടപടികള്‍ക്ക് പാര്‍ലിമെന്റ് മുതിര്‍ന്നുവെങ്കിലും അധികാരമൊഴിയാന്‍ പാര്‍ക് ഗ്വന്‍ ഹെ വിസമ്മതിച്ചു. എന്നാല്‍ മൂന്ന് മാസത്തിന് ശേഷം എട്ടംഗങ്ങളുള്ള ഭരണഘടനാ കോടതി ഇവരെ അധികാരത്തില്‍ നിന്നിറക്കാന്‍ ഉത്തരവിടുകയായിരുന്നു.
Latest
കോണ്‍ഗ്രസില്‍ കുടുംബവാഴ്ചയെന്ന വിമര്‍ശം; തരൂരിനെതിരെ ഹൈക്കമാന്‍ഡ്
യുപിയില്‍ ദളിത് കര്‍ഷകനെ കൊലപ്പെടുത്തിയ സംഭവം; സര്‍ക്കാര്‍ അടിയന്തരമായി ഇടപെടണം: കെ രാധാകൃഷ്ണന്‍ എംപി
എസ് എസ് എഫ് ദേശീയ സഹിത്യോത്സവ് ഈ മാസം 14 മുതല്‍ ഗുല്‍ബര്‍ഗയില്‍;കേന്ദ്ര സാഹിത്യ അക്കാദമി അവാര്‍ഡ് ജേതാവ് മുദ്നക്കൂട് ചിന്നസ്വാമി ഉദ്ഘാടനം ചെയ്യും
മാലദ്വീപില്‍ നിന്നും സ്വദേശത്തേക്ക് പണം അയക്കുന്നതിന് ഏര്‍പ്പെടുത്തിയിരുന്ന നിബന്ധനകളില്‍ ഇളവ് വരുത്തുമെന്ന് സ്റ്റേറ്റ് ബേങ്ക് ഓഫ് ഇന്ത്യ
കേരളത്തിന് എസ്എസ്‌കെ ഫണ്ടിനത്തില്‍ ആദ്യ ഗഡു കൈമാറി കേന്ദ്രം; നല്‍കിയത് 92.41 കോടി രൂപ
കുവൈത്തില്‍ ഏറ്റവും കൂടുതല്‍ മലയാളികള്‍ താമസിക്കുന്ന ജലീബ് അല്‍ ശുവൈഖ് പ്രദേശത്തെ 67 കെട്ടിടങ്ങള്‍ പൊളിച്ചുമാറ്റും
