Gulf
രാജ്യത്തെ സര്‍ക്കാര്‍ ജീവനക്കാര്‍ക്ക് കായിക മത്സരം; 20 ലക്ഷം ദിര്‍ഹം സമ്മാനം
മുഹമ്മദ് ബിന്‍ റാശിദ് അല്‍ മക്തൂം പ്രഖ്യാപിക്കുന്നു
ദുബൈ: രാജ്യത്താദ്യമായി സര്‍ക്കാര്‍ ജീവനക്കാര്‍ക്ക് കായിക മത്സരം സംഘടിപ്പിക്കുന്നു. അടുത്ത ഏപ്രില്‍ അവസാന വാരത്തില്‍ ദുബൈ കൈറ്റ് ബീച്ചില്‍ നടക്കുന്ന മത്സരങ്ങളില്‍ യു എ ഇയിലെങ്ങുമുള്ള സര്‍ക്കാര്‍ ജീവനക്കാര്‍ക്ക് പങ്കെടുക്കാം. 20 ലക്ഷം ദിര്‍ഹം സമ്മാനത്തുകയുള്ള മത്സരത്തിന്റെ പ്രഖ്യാപനം ദുബൈ കിരീടാവകാശിയും എക്‌സിക്യുട്ടീവ് കൗണ്‍സില്‍ ചെയര്‍മാനുമായ ശൈഖ് ഹംദാന്‍ ബിന്‍ മുഹമ്മദ് ബിന്‍ റാശിദ് അല്‍ മക്തൂം നിര്‍വഹിച്ചു. ഏപ്രില്‍ 26, 27, 28 തിയതികളില്‍ നടക്കുന്ന മത്സരത്തില്‍ പുരുഷ-വനിതാ ടീമുകള്‍ക്ക് 10 ലക്ഷം ദിര്‍ഹം വീതം സമ്മാനം നല്‍കും. ദുബൈ എക്‌സിക്യുട്ടീവ് കൗണ്‍സില്‍ ജനറല്‍ സെക്രട്ടേറിയറ്റ്, ദുബൈ സ്‌പോര്‍ട്‌സ് കൗണ്‍സില്‍, മിറാസ് ഹോള്‍ഡിംഗ് സംയുക്തമായാണ് മത്സരത്തിന് നേതൃത്വം നല്‍കുക.
ഏഴ് പേരടങ്ങിയതാണ് ഒരു ടീം. അഞ്ച് പേരാണ് പ്രധാനമായുണ്ടാവുക. രണ്ട് പേര്‍ സബ്സ്റ്റിറ്റിയൂട്ടായിരിക്കും. യോഗ്യതാ മത്സരം, കലാശപ്പോരാട്ടം എന്നിങ്ങനെ രണ്ട് ഘട്ടങ്ങളായാണ് മത്സരം നടക്കുക. ആദ്യ രണ്ട് ദിനങ്ങളില്‍ യോഗ്യതാ മത്സരമായിരിക്കും.
Latest
യുവാവിനെ തട്ടിക്കൊണ്ടുപോയി മര്‍ദിച്ച ശേഷം ഉപേക്ഷിച്ചു; മൂന്നുപേര്‍ പോലീസ് പിടിയില്‍
സംസ്ഥാനത്ത് നീതിയുക്തമായ തിരഞ്ഞെടുപ്പ് നടന്നില്ല: വി ഡി സതീശന്‍
അന്താരാഷ്ട്ര ഫുട്‌ബോളില്‍ ഈ വര്‍ഷം കൂടി മാത്രം; വിരമിക്കലിനൊരുങ്ങി മാര്‍ത്ത
സല്‍മാന്‍ ഖാന്റെ വസതിക്കു നേരെ വെടിവെപ്പ്: പ്രതികളെ ചോദ്യം ചെയ്ത് എന്‍ ഐ എ
സംസ്ഥാനത്ത് മൂന്ന് ജില്ലകളില്‍ മൂന്ന് ദിവസം ഉഷ്ണതരംഗ മുന്നറിയിപ്പ്; 12 ജില്ലകളില്‍ മഞ്ഞ ജാഗ്രത
ഡ്രെഡ്ജര്‍ അഴിമതി കേസ്: മുന്‍ ഡി ജി പി. ജേക്കബ് തോമസിനെതിരായ അന്വേഷണത്തിന് സമയം നീട്ടി നല്‍കി സുപ്രീം കോടതി
