Gulf
ഗതാഗത പിഴകള്‍ക്ക് സ്മാര്‍ട് പേ സംവിധാനവുമായി ദുബൈ പോലീസ്
ദുബൈ: ദുബൈ പോലീസ് സ്മാര്‍ട് പോലീസ് സ്റ്റേഷനുകളില്‍ ഗതാഗത പിഴകള്‍ ആപ്പിള്‍ പേ സംവിധാനം വഴി അടക്കാനുള്ള സൗകര്യമൊരുക്കി ദുബൈ പൊലീസിന് കീഴിലെ ആര്‍ട്ടിഫിഷ്യല്‍ ഇന്റലിജന്‍സ് ഡിപാര്‍ട്‌മെന്റ്.
സ്മാര്‍ട് പോലീസ് സ്റ്റേഷനുകളിലും എല്ലാ ഉപഭോക്തൃ സേവന കേന്ദ്രങ്ങളിലും ആപ്പിള്‍ സ്മാര്‍ട് ഫോണുകള്‍ വഴി പിഴകള്‍ അടക്കാനുള്ള സംവിധാനം ഏര്‍പെടുത്തിക്കഴിഞ്ഞു. ഇതിലൂടെ ഐഫോണുകള്‍ ഉപയോഗിച്ച് സ്മാര്‍ട് സേവന കേന്ദ്രങ്ങളില്‍ ഒരുക്കിയിട്ടുള്ള സംവിധാനങ്ങളില്‍ ടാപ്പ് ചെയ്ത് പിഴകള്‍ ഒടുക്കാനുള്ള സൗകര്യമുണ്ട്. മശ്‌രിഖ് ബേങ്ക്, എമിറേറ്റ്‌സ് എന്‍ ബി ഡി, എമിറേറ്റ്‌സ് ഇസ്ലാമിക്, റാക് ബേങ്ക്, എച്ച് എസ് ബി സി, സ്റ്റാന്‍ഡേര്‍ഡ് ചാറ്റര്‍ഡ് എന്നീ ബേങ്കുകളുടെ ക്രെഡിറ്റ് കാര്‍ഡുകള്‍ ഉള്ള ഉപഭോക്താക്കള്‍ക്ക് ആപ്പിള്‍ പേ സംവിധാനം വഴി പിഴയൊടുക്കാമെന്ന് ദുബൈ പൊലീസിന് കീഴിലെ ആര്‍ട്ടിഫിഷ്യല്‍ ഇന്റെലിജന്‍സ് ഡിപാര്‍ട്‌മെന്റ് ഡയറക്ടര്‍ ജനറല്‍ ബ്രിഗേഡിയര്‍ ഖാലിദ് നാസ്സര്‍ അല്‍ റസൂഖി പറഞ്ഞു.
സിറ്റി വാക്കില്‍ പുതിയ സ്മാര്‍ട് പോലീസ് സ്റ്റേഷന്‍ ആരംഭിച്ചിട്ടുണ്ട്. സമീപ ഭാവിയില്‍ മീഡിയ സിറ്റി, ദുബൈ ഡിസൈന്‍ വില്ലേജ്, ദുബൈ ഇന്റര്‍നാഷണല്‍ അക്കാദമിക് സിറ്റി എന്നിവിടങ്ങളില്‍ പുതുതായി സ്റ്റേഷനുകള്‍ ആരംഭിക്കുന്നുണ്ട്.
ദുബൈ നഗരത്തിലെ എല്ലാ പോലീസ് സ്റ്റേഷനുകളിലും ആപ്പിള്‍ പേ സംവിധാനം പ്രവര്‍ത്തിക്കാനുള്ള സൗകര്യങ്ങള്‍ ഒരുക്കിയിട്ടുണ്ടെന്ന് അദ്ദേഹം കൂട്ടിച്ചേര്‍ത്തു.
Latest
ബട്‌ലറുടെ ഒറ്റയാന്‍ പോരാട്ടം ; കൊല്‍ക്കത്തയെ തകര്‍ത്ത് രാജസ്ഥാന്‍
താമരശ്ശേരിയില്‍ കാറുകള്‍ കൂട്ടിയിടിച്ച് ഏഴ് പേര്‍ക്ക് പരുക്ക്; ഒരാളുടെ നില ഗുരുതരം
മാസപ്പടി കേസ്; സിഎംആര്‍എല്ലിന്റെ ഹരജിയില്‍ കമ്പനികാര്യ മന്ത്രാലയത്തിന് നോട്ടീസ് നല്‍കി ഡല്‍ഹി ഹൈക്കോടതി
ഹേമ മാലിനിക്കെതിരായ അധിക്ഷേപ പരാമര്‍ശം; സുര്‍ജേവാലക്ക് തിരഞ്ഞെടുപ്പ് പ്രചാരണത്തില്‍ വിലക്കേര്‍പ്പെടുത്തി
സിവിൽ സർവീസ് പരീക്ഷയിൽ റാങ്ക് നേടി മദീനതുന്നൂർ പൂർവ്വ വിദ്യാർത്ഥി
കേന്ദ്രത്തിന്റെ എതിര്‍പ്പ് തള്ളി; ശ്രീജ വിജയലക്ഷ്മിയെ ഹൈക്കോടതി ജഡ്ജിയായി ഉയര്‍ത്താന്‍ സുപ്രീം കോടതി ശിപാര്‍ശ
