Kozhikode
മര്‍കസ് അധ്യാപക സംഗമത്തിന് പ്രൗഢമായ പരിസമാപ്തി
കാരന്തൂര്‍ : മര്‍കസ് റൂബി ജൂബിലിയുടെ ഭാഗമായി മര്‍കസ് ഗ്രൂപ്പ് ഓഫ് സ്‌കൂളിന് കീഴില്‍ സംഘടിപ്പിച്ച അധ്യാപക സംഗമത്തിന് പ്രൗഢമായ പരിസമാപ്തി. കേരളത്തിലെ വിവിധ ജില്ലകളില്‍ പ്രവര്‍ത്തിക്കുന്ന മര്‍കസ് പബ്ലിക് സ്‌കൂളുകളിലെ അഞ്ഞൂറ് അധ്യാപകര്‍ സംഗമത്തില്‍ പങ്കെടുത്തു. : മര്‍കസ് ചാന്‍സലര്‍ കാന്തപുരം എ.പി അബൂബക്കര്‍ മുസ്‌ലിയാര്‍ സംഗമം ഉദ്ഘാടനം ചെയ്തു.
അധ്യാപനത്തിന്റെ നൈതികതയും മൂല്യങ്ങളും സൂക്ഷിച്ചു വളര്‍ന്നു വരുന്ന തലമുറകളുടെ അക്കാദമികവും സര്‍ഗാത്മകവുമായ വികാസത്തിന് വേണ്ടി ഊര്‍ജസ്വലരായി പരിശ്രമിക്കുന്നവരാകണം അധ്യാപകരെന്ന് അദ്ദേഹം പറഞ്ഞു. ടെക്‌നോളജിയുടെ കാലത്ത് അധ്യാപകരുടെ സാധ്യത വര്‍ധിക്കുകയാണ്. ടെക്‌നോളജിയുടെ പ്രയോജനകരമായ വശങ്ങള്‍ ഉപയോഗപ്പെടുത്തി വിദ്യാര്‍ത്ഥികള്‍ക്ക് ഏറ്റവും മികച്ച അറിവുകള്‍ നല്‍കാന്‍ അധ്യാപകര്‍ക്ക് കഴിയണം. എന്നാല്‍ ഇന്റര്‍നെറ്റ് പോലുള്ള മാധ്യമങ്ങളില്‍ അനിവാര്യമല്ലാത്ത കാര്യങ്ങള്‍ക്ക് വേണ്ടി സമയം ചെലവഴിക്കുന്ന വിദ്യാര്‍ത്ഥികളെ യഥാര്‍ത്ഥ പഠനത്തിന്റെ മാര്‍ഗങ്ങളെ കുറിച്ച് അധ്യാപകര്‍ ബോധവത്കരിക്കുകയും വേണം. സ്‌നേഹം കൊണ്ടാണ് വിദ്യാര്‍ത്ഥികളുടെ ഹൃദയം കീഴടക്കാന്‍ സാധിക്കുക.പഠിതാക്കളുടെ ഹൃദയത്തില്‍ ഉന്നതമായ ഇടം നേടിയെടുത്ത് , ധാര്‍മികമായ മികവോടെയും വൈജ്ഞാനികമായ സ്വപ്‌നങ്ങള്‍ നല്‍കിയും അവരെ വളര്‍ത്താന്‍ അധ്യാപകര്‍ക്ക് സാധിക്കണം. മര്‍കസ് രൂപപ്പെടുത്തുന്നത് അധ്യാപകരും വിദ്യാര്‍ത്ഥികളും സ്‌നേഹോഷ്മളമായ ബന്ധം നിലനിര്‍ത്തുന്ന കലാലയങ്ങള്‍ ആണ്: കാന്തപുരം പറഞ്ഞു. മര്‍കസ് ജനറല്‍ മാനേജര്‍ സി മുഹമ്മദ് ഫൈസി മുഖ്യപ്രഭാഷണം നിര്‍വ്വഹിച്ചു. മര്‍കസ് അസിസ്റ്റന്റ് ജനറല്‍ മാനേജര്‍ ഉനൈസ് മുഹമ്മദ്, പ്രിന്‍സിപ്പല്‍ കൗണ്‍സില്‍ ചെയര്‍മാന്‍ കെഎം അബ്ദുല്‍ ഖാദര്‍, മുഹമ്മദ് ഹനീഫ് അസ്ഹരി സംബന്ധിച്ചു.
Latest
സ്‌കൂള്‍ സമയ മാറ്റം: ചര്‍ച്ചക്ക് തയ്യാറായ മന്ത്രിയെ പരിഹസിച്ച് പി എം എ സലാം
പാലക്കാട്ടെ കാര്‍ പൊട്ടിത്തെറി: പരുക്കേറ്റ നാല് വയസ്സുകാരി മരിച്ചു
വിമാനക്കൊള്ളക്ക് അന്ത്യമാകുന്നു; ടിക്കറ്റ് നിരക്ക് ഏകീകരണത്തിന് നീക്കം തുടങ്ങി
നിമിഷ പ്രിയയുടെ മോചനത്തിനായി പ്രധാനമന്ത്രി നേരിട്ട് ഇടപെടണം; കെസി വേണുഗോപാല്‍
ആലപ്പുഴയില്‍ വിദ്യാര്‍ത്ഥിയെക്കൊണ്ട് ബിജെപി നേതാവിന്റെ കാല്‍ കഴുകിച്ചു; മന്ത്രി ശിവന്‍കുട്ടി റിപ്പോര്‍ട്ട് തേടി
കമ്പ്യൂട്ടിംഗ് മേഖലയിലെ അടിസ്ഥാന സൗകര്യ അസമത്വം പരിഹരിക്കുന്നതിന് അന്താരാഷ്ട്ര സഹകരണം വേണം: സഊദി അറേബ്യ
