Eranakulam
കൊച്ചി മെട്രോ: രണ്ടാം ഘട്ടത്തില്‍ താനും ഡിഎംആര്‍സിയും ഉണ്ടാകില്ലെന്ന് ഇ ശ്രീധരന്‍
കൊച്ചി: കൊച്ചി മെട്രോ പദ്ധതിയുടെ രണ്ടാം ഘട്ടത്തില്‍ താനും ഡി.എം.ആര്‍.സിയും പങ്കാളികളാകില്ലെന്ന് മുഖ്യഉപദേശകന്‍ ഇ.ശ്രീധരന്‍. രണ്ടാം ഘട്ടം തനിച്ച് ചെയ്യുന്നതിന് കെ.എം.ആര്‍.എല്‍ പ്രാപ്തരാണെന്നും അദ്ദേഹം പറഞ്ഞു. ഉദ്ഘാടനത്തിന് മുന്നോടിയായി മെട്രോ സ്‌റ്റേഷനുകള്‍ സന്ദര്‍ശിച്ച ശേഷം മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം.
മെട്രോ ഉദ്ഘാടന ചടങ്ങില്‍ നിന്ന് തന്നെ ഒഴിവാക്കിയതില്‍ പരാതിയില്ല. പ്രധാനമന്ത്രിയുടെ സുരക്ഷയാണ് പ്രധാനം. സുരക്ഷാ ഏജന്‍സി എന്താണ് പറയുന്നത് അതുപോലെ ചെയ്യണം. സംഭവം വിവാദമാക്കേണ്ട കാര്യമില്ല. ക്ഷണിച്ചാല്‍ വേദിയിലുണ്ടാകും.
കൊച്ചി മെട്രോ പദ്ധതി പ്രത്യേകിച്ച് വെല്ലുവിളി ഒന്നും ആയിരുന്നില്ല. ഏത് പദ്ധതിക്കും അതിന്റേതായ വെല്ലുവിളികള്‍ ഉണ്ടാകാം. അതൊക്കെ തരണം ചെയ്ത് മുന്നോട്ട് പോകുകയാണ് വേണ്ടത്. മെട്രോ പദ്ധതി യാഥാര്‍ഥ്യമാകുന്നതില്‍ സന്തോഷമുണ്ട്.
രാവിലെ എട്ട് മണിയോടെയാണ് അദ്ദേഹം സ്‌റ്റേഷനുകള്‍ സന്ദര്‍ശിക്കാന്‍ എത്തിയത്. പാലാരിവട്ടം മുതല്‍ ആലുവ വരെയുള്ള മെട്രോ സ്‌റ്റേഷനുകളില്‍ അദ്ദേഹം സന്ദര്‍ശനം നടത്തി. കെ.എം.ആര്‍.എല്‍ അധികൃതരും അദ്ദേഹത്തിനൊപ്പമുണ്ടായിരുന്നു.
Latest
ദുബൈയില്‍ കരാര്‍ മേഖലക്ക് പുതിയ നിയമം; നഗരവികസന, സാമ്പത്തിക വളര്‍ച്ചക്കായി വ്യക്തമായ ചട്ടക്കൂട് രൂപപ്പെടുത്തുക ലക്ഷ്യം
ഹൃദയാഘാതത്തെ തുടര്‍ന്ന് യുവാവ് റോഡില്‍ കുഴഞ്ഞുവീണു; യാദൃച്ഛികമായി എത്തിയ ഡോക്ടര്‍ രക്ഷകനായി
മണ്ണാര്‍ക്കാട് സി പി എം ഏരിയാ കമ്മിറ്റി ഓഫീസിനു നേരെ പടക്കമേറ്; സി പി എം പ്രവര്‍ത്തകന്‍ അറസ്റ്റില്‍
അല്‍ നഹ്ദയില്‍ മലയാളി യുവതിയും കുഞ്ഞും മരിച്ച സംഭവം: ഫോറന്‍സിക് റിപോര്‍ട്ട് പുറത്ത്
യോഗ്യതയില്ലാത്ത വിദേശ നിക്ഷേപകര്‍ക്ക് ക്രെഡിറ്റ് സൂയിസ് ബോണ്ടുകള്‍ വിറ്റു; എച്ച് ഡി എഫ് സി ബേങ്കിനെതിരെ ഇന്ത്യയില്‍ അന്വേഷണം
കീം: പുതുക്കിയ റാങ്ക് പട്ടികയ്‌ക്കെതിരെ കേരള സിലബസ് വിദ്യാര്‍ഥികള്‍ സുപ്രീം കോടതിയിലേക്ക്
