National
തമിഴ്‌നാട് നിയമസഭയില്‍ പ്രതിഷേധം; സ്റ്റാലിന്‍ അറസ്റ്റില്‍
ചെന്നൈ: വിശ്വാസവോട്ട് അനുകൂലമാക്കാന്‍ എംഎല്‍എമാര്‍ക്ക് പണം നല്‍കിയെന്ന ആരോപണം ചര്‍ച്ച ചെയ്യണമെന്ന ആവശ്യം സ്പീക്കര്‍ തള്ളിയതില്‍ പ്രതിഷേധിച്ച് തമിഴ്‌നാട് നിയമസഭയില്‍ പ്രതിപക്ഷ ബഹളം.
ബഹളത്തെ തുടര്‍ന്ന് പ്രതിപക്ഷ കക്ഷികളായ ഡിഎംകെ എംഎല്‍എമാരെ സഭയില്‍ നിന്ന് ബലം പ്രയോഗിച്ച് പുറത്താക്കി. തുടര്‍ന്ന് പ്രതിപക്ഷ നേതാവ് എംകെ സ്റ്റാലിന്റെ നേതൃത്വത്തില്‍ ഡിഎംകെ. എംഎല്‍എമാര്‍ റോഡില്‍ കുത്തിയിരുന്ന് പ്രതിഷേധിച്ചു. ഗതാഗതം തടസ്സപ്പെടുത്തിയതിന് സ്റ്റാലിനെടക്കമുള്ളവരെ പോലീസ് അറസ്റ്റ് ചെയ്തു.
ഫെബ്രുവരിയില്‍ നടന്ന വിശ്വാസ വോട്ടെടുപ്പില്‍ എംഎല്‍എമാരുടെ പിന്തുണ ഉറപ്പിക്കാനായി പണം നല്‍കുന്ന വീഡിയോ കഴിഞ്ഞ ദിവസം സ്വകാര്യ ചാനല്‍ പുറത്തുവിട്ടിരുന്നു. ഇത് സംബന്ധിച്ച് സഭയില്‍ചര്‍ച്ച നടത്തണമെന്നായിരുന്നു പ്രതിപക്ഷത്തിന്റെ ആവശ്യം. എന്നാല്‍, ഇത് അംഗീകരിക്കാന്‍ സ്പീക്കര്‍ തയ്യാറായില്ല. തുടര്‍ന്ന് സ്റ്റാലിന്റെ നേതൃത്വത്തില്‍ എംഎല്‍എമാര്‍ നിയമസഭയില്‍ ബഹളം വെക്കുകയായിരുന്നു.
Latest
വോട്ടെടുപ്പിനിടെ ബംഗാളിലെ ബൂത്തിന് സമീപം കല്ലേറ്
മണിപ്പൂരില്‍ പോളിങ് ബൂത്തില്‍ സംഘര്‍ഷം ; പോളിങ് മെഷീനുകള്‍ അക്രമകാരികള്‍ തകര്‍ത്തു.
സജി മഞ്ഞക്കടമ്പില്‍ എന്‍ഡിഎയിലേക്ക്; മറ്റൊരു കേരള കോണ്‍ഗ്രസ് പാര്‍ട്ടി പ്രഖ്യാപനം ഉടന്‍
തിരുവനന്തപുരത്ത് ഏഴ് വയസുകാരനെ മര്‍ദിച്ച സംഭവം; അമ്മ അറസ്റ്റില്‍
തിരഞ്ഞെടുപ്പ് ഡ്യൂട്ടിയിലുണ്ടായിരുന്ന സിആര്‍പിഎഫ് ജവാന്‍ പോളിങ് ബൂത്തിലെ ശൗചാലയത്തില്‍ മരിച്ചനിലയില്‍
വീട്ടിലെ വോട്ടില്‍ കള്ളവോട്ടെന്ന പരാതിയില്‍ കേസെടുത്തു; പോളിംഗ് സംഘത്തിലെ നാല് ഉദ്യോഗസ്ഥര്‍ക്ക് സസ്‌പെന്‍ഷന്‍
