Gulf
ലോകത്തിലെ ഏറ്റവും ഭാരം കൂടിയ വനിത
അബുദാബി: ലോകത്തിലെ ഏറ്റവും ഭാരം കൂടിയ വനിതയായ ഇമാന്‍ അഹ്മദിന്റെ തുടര്‍ചികിത്സക്കായി അബുദാബിയിലെ ബുര്‍ജീല്‍ ആശുപത്രിയിലേക്ക് ഇന്ന് കൊണ്ടുവരും. മുംബൈയിലെ ഇമാന്റെ ചികിത്സ വിവാദമായ സാഹചര്യത്തിലാണ് ആശുപത്രി മാറ്റം. ഇന്ന് രാത്രി എട്ടിന് ഇമാന്‍ അബുദാബി അന്താരാഷ്ട്ര വിമാനത്താവളത്തിലെത്തും. ഇമാനെ പ്രവേശിപ്പിക്കാനുള്ള ഒരുക്കങ്ങള്‍ പൂര്‍ത്തിയായതായി വി പി എസ് ഹെല്‍ത് കെയര്‍ സി ഇ ഒ ഡോ. ഷാജിര്‍ ഗഫാര്‍ അറിയിച്ചു.
പ്രത്യേക ചാര്‍ട്ടര്‍ വിമാനത്തിലാണ് ഇമാനെ കൊണ്ടുവരുന്നത്.
500 കിലോ ഭാരമുണ്ടായിരുന്ന ഇമാനെ ഈജിപ്റ്റില്‍ അലക്‌സാണ്ട്രിയയിലെ താമസസ്ഥലത്തെ വാതില്‍ പൊളിച്ച് ക്രെയിന്‍ ഉപയോഗിച്ച് പുറത്തിറക്കിയാണ് വിമാനത്തിലെ ചരക്ക് അറയില്‍ പ്രത്യേക സംവിധാനമൊരുക്കി മുംബൈയിലേക്ക് കൊണ്ടുവന്നത്. ആശുപത്രിയുടെ മുകളിലെ നിലയിലെ ജനാലകള്‍ മാറ്റിയ ദ്വാരത്തിലൂടെയായിരുന്നു ഇമാനെ പ്രവേശിപ്പിച്ചത്.
ഇമാനെ പ്രവേശിപ്പിക്കുന്നിന് ബുര്‍ജീല്‍ ആശുപത്രിയില്‍ വാതിലുകള്‍ പൊളിച്ചുമാറ്റിയിട്ടുണ്ട്.
വിമാനത്തില്‍ ഡോക്ടര്‍മാര്‍, വ്യോമയാന ഡോക്ടര്‍മാര്‍, സീനിയര്‍ ഫ്‌ളൈറ്റ് പാരാമെഡിക്കല്‍ സ്റ്റാഫ് എന്നിവരുള്‍പെടെയുള്ള അഞ്ച് വിദഗ്ധരുണ്ടാകും.
Latest
ജെപി നദ്ദ അഞ്ചു ബാഗുകളില്‍ പണം കൊണ്ടുവന്നു; ആരോപണവുമായി തേജസ്വി യാദവ്
സംസ്ഥാനത്ത് സ്വര്‍ണവില കുറഞ്ഞു
കൊച്ചി വാട്ടര്‍ മെട്രോക്ക് ഇന്ന് ഒന്നാം പിറന്നാള്‍; 19.72ലക്ഷം പേര്‍ സഞ്ചരിച്ചു
ഭാര്യയെ വെട്ടിക്കൊലപ്പെടുത്തിയ ശേഷം ഭര്‍ത്താവ് ആത്മഹത്യ ചെയ്തു
കോണ്‍ഗ്രസിന്റെ പത്ര പരസ്യത്തിനെതിരെ തിരഞ്ഞെടുപ്പ് കമ്മീഷന് പരാതി നല്‍കി ബി.ജെ.പി
ആലത്തൂരില്‍ വടിവാളെന്ന് രമ്യാ ഹരിദാസ്; ബോര്‍ഡുകള്‍ അഴിച്ചുമാറ്റിയ ആയുധമെന്ന് സി പി എം
