Gulf
ട്രാഫിക് നിയമം ലംഘിച്ച നാല് സ്വദേശികള്‍ക്ക് സാമൂഹിക സേവനം ശിക്ഷ
സാമൂഹിക സേവനത്തിനിടെ
അബുദാബി: ഗതാഗത നിയമം ലംഘിച്ച നാല് സ്വദേശി പൗരന്മാര്‍ക്ക് സാമൂഹിക സേവന പ്രവര്‍ത്തനങ്ങള്‍ ചെയ്യാന്‍ ബനിയാസ് ക്രിമിനല്‍ കോടതി ശിക്ഷ വിധിച്ചു. പൊതു ഉദ്യാനങ്ങള്‍, പെട്രോള്‍ സ്റ്റേഷനുകള്‍ എന്നിവിടങ്ങളില്‍ സേവനമനുഷ്ഠിക്കാനാണ് കോടതി ഉത്തരവിട്ടിരിക്കുന്നതെന്ന് അബുദാബി പബ്ലിക് പ്രോസിക്യൂഷന്‍ അറിയിച്ചു.
രണ്ട് പേര്‍ വീതം മൂന്ന് മാസം പെട്രോള്‍ സ്റ്റേഷനിലും മറ്റു രണ്ട് പേര്‍ രണ്ട് മാസം പൊതുഉദ്യാനത്തിലും സേവനം ചെയ്യണം. സേവന ശിക്ഷ ഉടന്‍ തുടങ്ങാന്‍ പബ്ലിക് പ്രോസിക്യൂഷന്‍ നിര്‍ദേശിച്ചു. സാമൂഹിക സേവനം നടപ്പിലാക്കുമ്പോള്‍ പ്രതികളായ നാലുപേരുടെയും പൊതുജന സേവനത്തിലുള്ള പ്രതിബദ്ധത, പെരുമാറ്റം, അച്ചടക്കം എന്നിവയുടെ പ്രതിമാസ റിപ്പോര്‍ട്ടുകള്‍ അഭ്യര്‍ഥിച്ചതായും പ്രോസിക്യൂഷന്‍ അറിയിച്ചു. പ്രതികള്‍ സാമൂഹിക സേവനം നടത്തുന്നതില്‍ പരാജയപ്പെട്ടാല്‍ പ്രോസിക്യൂട്ടര്‍മാര്‍ പ്രതികളെ കോടതിക്ക് കൈമാറി സാമൂഹിക സേവന കാലാവധിക്ക് സമാനമായ ജയില്‍ ശിക്ഷ ലഭ്യമാക്കും.
Latest
ഡല്‍ഹിയില്‍ നാലുനില കെട്ടിടം തകര്‍ന്നുവീണു; നിരവധി ആളുകള്‍ കുടുങ്ങിക്കിടക്കുന്നതായി റിപ്പോര്‍ട്ട്
സിന്തറ്റിക് മയക്കുമരുന്ന് കേസ്: ഇന്ത്യക്കാരനെ യു എ ഇ നാടുകടത്തി
കീം റാങ്ക് ലിസ്റ്റ്: ഒരു കോടതിക്കും റദ്ദ് ചെയ്യാനാവാത്ത വിധം അടുത്ത വര്‍ഷം മാനദണ്ഡം മാറ്റുമെന്ന് മന്ത്രി ആര്‍ ബിന്ദു
സ്‌കൂള്‍ സമയമാറ്റം; ചര്‍ച്ചക്കു തയ്യാറാണെന്നു വിദ്യാഭ്യാസ മന്ത്രി
ദുബൈയിൽ ആദ്യമായി ഒരു എ ഐ ഷെഫ് റസ്റ്റോറന്റ് ആരംഭിക്കുന്നു
ഷാർജ ഫയ ചരിത്ര ഖനന ശേഷിപ്പിന് യുനെസ്‌കോ അംഗീകാരം
