കര്‍ണാടക സഹകരണ വകുപ്പ് മന്ത്രി മഹാദേവ് പ്രസാദ് അന്തരിച്ചു

Posted on: January 3, 2017 11:36 am | Last updated: January 3, 2017 at 10:27 pm
SHARE

ബെംഗളൂരു: കര്‍ണാടക സഹകരണ വകുപ്പ് മന്ത്രി മഹാദേവ് പ്രസാദ് അന്തരിച്ചു. 58 വയസായിരുന്നു. ഹൃദയാഘാതത്തെ തുടര്‍ന്ന് ചിക്മംഗ്ലൂരിലെ സ്വകാര്യ റിസോര്‍ട്ടിലായിരുന്നു അന്ത്യം. രാവിലെ ഒമ്പത് മണിയോടെ മന്ത്രിയെ വിളിക്കാന്‍ പോയ സഹായികളാണ് മഹാദേവ് പ്രസാദിനെ മരിച്ച നിലയില്‍ കണ്ടെത്തിയത്.

ജെഡിഎസ് നേതാവായിരുന്ന മഹാദേവ് പ്രസാദ് അടുത്തിടെയാണ് കോണ്‍ഗ്രസിലേക്കെത്തിയത്. അഞ്ച് തവണ(1994, 1999, 2004, 2008,2013) ഗുണ്ടല്‍പേട്ടിനെ പ്രതിനിധീകരിച്ച് നിയമസഭയിലെത്തിയ മഹാദേവ് പ്രസാദ് ഇപ്പോഴത്തെ മുഖ്യമന്ത്രി സിദ്ധരാമയ്യയോടൊപ്പമാണ് ജെഡിഎസ് വിട്ട് കോണ്‍ഗ്രസിലെത്തിയത്.