Organisation
പിള്ളയുടെ പ്രസ്താവന പ്രതിഷേധാര്‍ഹം: കേരള മുസ്‌ലിം ജമാഅത്ത്
തിരുവനന്തപുരം: മതവിശ്വാസത്തെയും പള്ളികളെയും അവഹേളിക്കും വിധം ആര്‍ ബാലകൃഷ്ണപിള്ള നടത്തിയ പരാമര്‍ശങ്ങള്‍ പ്രതിഷേധാര്‍ഹമാണെന്ന് കേരള മുസ്‌ലിം ജമാഅത്ത് സംസ്ഥാന സെക്രട്ടേറിയറ്റ്. കടുത്ത വര്‍ഗീയ വാദികളുടെ ഭാഷയിലാണ് പിള്ള സംസാരിച്ചത്. മതേതര സ്വഭാവം പുലര്‍ത്തുന്ന നേതാക്കളില്‍ നിന്ന് ഉണ്ടാകുമെന്ന് പ്രതീക്ഷിക്കാന്‍ കഴിയാത്ത വാക്കുകളാണ് ആര്‍ ബാലകൃഷ്ണപിള്ളയില്‍ നിന്നുണ്ടായത്. ആരെയോ തൃപ്തിപ്പെടുത്താന്‍ വേണ്ടി നടത്തിയ ഈ പരാമര്‍ശങ്ങള്‍ മത വിശ്വാസികളുടെ മനസിനെ വ്രണപ്പെടുത്തുന്നതാണ്.
പള്ളികളെയും ആരാധനകളെയുമെല്ലാം വിശ്വാസികളും അല്ലാത്തവരും ആദരവോടെയാണ് സമീപിക്കാറുള്ളത്. പിള്ളയെ പോലുള്ളവരുടെ ഇത്തരം പരാമര്‍ശങ്ങളെ പൊതുസമൂഹം പുച്ഛിച്ച് തള്ളും. സംഭവിച്ച തെറ്റ് ഏറ്റുപറഞ്ഞ് പൊതുസമൂഹത്തോട് മാപ്പ് പറയാന്‍ ബാലകൃഷ്ണപിള്ള തയ്യാറാകണമെന്നും കേരള മുസ്‌ലിം ജമാഅത്ത് സംസ്ഥാന പ്രസിഡന്റ് കാന്തപുരം എ പി അബൂബക്കര്‍ മുസ്‌ലിയാരും ജനറല്‍സെക്രട്ടറി സയ്യിദ് ഇബ്രാഹിം ഖലീല്‍ ബുഖാരിയും ആവശ്യപ്പെട്ടു.
Latest
ബിഹാറില്‍ ജെ ഡി യു നേതാവിനെ ബൈക്കിലെത്തിയവര്‍ വെടിവച്ചു കൊന്നു
തെരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന്‍ പുലര്‍ച്ചെ കാറിടിച്ച് മരിച്ചു
കേരളത്തില്‍ ഉയര്‍ന്ന താപനില തുടരുന്നു; പാലക്കാട് ഉഷ്ണതരംഗ മുന്നറിയിപ്പ്
കേരളത്തില്‍ ഇന്നു നിശ്ശബ്ദ പ്രചാരണം; നാളെ ബൂത്തിലേക്ക്
മതത്തിന്റെ പേരില്‍ വോട്ടു തേടല്‍; നരേന്ദ്ര മോദിക്ക് ക്ലീന്‍ ചിറ്റ് നല്‍കി തെരഞ്ഞെടുപ്പ് കമ്മീഷന്‍
ചുഴിയില്‍ കരുതല്‍;വോട്ടില്‍ കണ്ണ്‌
